چوڌري نثار قوم کي ٻڌائين ته جيل مان خالد شميم جي ويڊيو ڪيئن بڻي؟ ۽ ريڪارڊ ٿيل ويڊيو ڪيئن ۽ ڪهڙي قانون جي تحت ٻاهر آئي.ڪنور نويد جميل
ڪراچي: 28 اپريل 2016
متحده قومي موومينٽ جي رابطا ڪميٽي جي ڊپٽي ڪنوينر ڪنور نويد جميل ڊاڪٽر عمران فاروق شهيد ڪيس ۾ گرفتار ڪيل خالد شميم نالي شخص جي ويڊيو بيان جي حوالي سان پنهنجي بيان ۾ وفاقي وزير داخلا چوڌري نثار علي خان کان سوال ڪيو ته اهي قوم جي سامهون ٽي وي تي اچي ڪري ٻڌائين ته جيل کان خالد شميم جي ويڊيو ڪيئن بڻي ۽ ريڪارڊ ٿيل ويڊيو ڪهڙي قانون جي تحت ٻاهر آئي. انهن چيو ته ڪجھھ اڻ ڏٺل قوتن ملڪ جي آئين ۽ قانون جو مذاق بڻائي ڇڏيو آهي. جنهن سان نه صرف ملڪ بلڪه پاڻ قانون نافذ ڪرڻ وارن ادارن جي به بدنامي ٿي رهي آهي. انهن چيو ته ڪوڙن ۽ بي بنياد ڪيسن ۾ ايم ڪيو ايم جي قائد کي ملوث ڪرڻ جي لاءِ سرڪاري ايجنسيون جنهن حد تائين ڪري چڪيون آهن ان جي مثال ملڪي تاريخ ۾ نه ٿي ملي. انهن چيو ته وفاقي وزير داخلا چوڌري نثار جيترو جلد ممڪن ٿي سگهي قوم کي ٻڌائين ته قانون ٽوڙڻ وارا ڀلي ڪيترائي طاقتور ڇو نه هجن پر انهن کي سزا ڏني ويندي ته جيئن عوام جو اعتماد قانون تي بحال ٿي سگهي.
*****