لبنان پر اسرائیلی حملے قابل مذمت ہیں ۔ عالمی برادری لبنان میں اسرائیلی حملے روکنے کے لیے ٹھوس اقدامات کرے ۔ الطاف حسین کا مذمتی بیان

Posted on: 4/11/2026

لبنان پر اسرائیلی حملے قابل مذمت ہیں ۔ عالمی برادری لبنان میں اسرائیلی حملے روکنے کے لیے ٹھوس اقدامات کرے ۔ الطاف حسین کا مذمتی بیان #CeasefireTooWeak #islamabadpeacetalks لندن – 11 اپریل 2026: متحدہ قومی موومنٹ (ایم کیو ایم) کے بانی و قائد جناب الطاف حسین نے لبنان پر حالیہ اسرائیلی فضائی حملوں، بالخصوص آج 11 اپریل 2026 کو لبنانی قصبے میفدون میں ہونے والے حملے کی شدید الفاظ میں مذمت کی ہے، جس کے نتیجے میں قیمتی انسانی جانوں کا ضیاع ہوا ہے۔ ایم کیو ایم کے انٹرنیشنل سیکریٹریٹ لندن سے جاری کردہ اپنے بیان میں جناب الطاف حسین نے جنوبی لبنان میں اطلاعات کے مطابق 10 افراد کی شہادت پر گہرے دکھ اور افسوس کا اظہار کیا۔انہوں نےفوجی جارحیت میں اضافے کو بین الاقوامی قوانین کی سنگین خلاف ورزی اور علاقائی استحکام کے لیے خطرہ قرار دیا۔ جناب الطاف حسین نے کہ لبنان میں رہائشی علاقوں اور سویلین انفراسٹرکچر کو مسلسل نشانہ بنانا انسانی حقوق کی کھلی تذلیل ہے۔ عالمی برادری کو خاموش تماشائی بنے رہنے کے بجائے اس خونریزی کو روکنے کے لیے ٹھوس اقدامات کرنے چاہئیں۔ جناب الطاف حسین نے اسلام آباد میں جاری مذاکرات کی اہمیت کے پیش نظر وزیراعظم پاکستان میاں شہباز شریف اور فیلڈ مارشل عاصم منیر کو خاص طور پر مخاطب کرتے ہوئے پاکستانی قیادت پر زور دیا کہ وہ موجودہ پلیٹ فارم کو مؤثر طریقے سے استعمال کریں۔ جناب الطاف حسین نے وزیراعظم شہباز شریف اور فیلڈ مارشل عاصم منیر کو مخاطب کرتے ہوئے کہا کہ چونکہ پاکستان اس وقت امریکہ اور ایران کے درمیان اعلیٰ سطح کے مذاکرات کی میزبانی کر رہا ہے، اس لیے وہ ان مذاکرات کے دوران لبنان کے خلاف اسرائیلی جارحیت کا معاملہ باضابطہ طور پر اٹھائیں۔ انہوں نے اس بات پر زور دیا کہ مشرق وسطیٰ میں امن الگ تھلگ رہ کر حاصل نہیں کیا جا سکتا۔اسلام آباد ایک تاریخی امن عمل کامرکز بن گیا ہے، اسلئے جنگ بندی کے مذاکرات کا دائرہ کار لبنانی خود مختاری کے تحفظ تک وسیع ہونا چاہیے۔ انہوں نے پاکستانی قیادت سے مطالبہ کیا کہ وہ معزز مہمانوں کو یاد دلائیں کہ لبنان پر حملے ان سفارتی کوششوں کو سبوتاژ کرسکتے ہیں جو اس وقت پاکستانی سرزمین پر کی جا رہی ہیں۔ آخر میں جناب الطاف حسین نے لبنان میں بمباری میں جاں بحق ہونے والوں کے اہل خانہ سے دلی تعزیت کا اظہار کیا اور زخمیوں کی جلد صحت یابی کے لیے دعا کی۔ انہوں نے اس عزم کا اعادہ کیا کہ ایم کیو ایم پوری دنیا میں انصاف، امن اور انسانی زندگی کے تقدس کے اصولوں پر قائم ہے۔

5/1/2026 11:27:36 AM

ایم کیو ایم آئرلینڈ کے زیر اہتمام ایم کیو ایم کا 42واں یوم تاسیس منای... 28 Apr 2026	ایم کیوایم کینیڈا کیلگری چیپٹرکے زیراہتمام متحدہ قومی موومنٹ کا 42واں ... 27 Apr 2026
دنیا میں پیدا ہو نے والا ہربچہ لامذہب پیدا ہوتا ہے الطاف حسین ... 22 Apr 2026	جنگ کے بادل دوبارہ منڈلانے لگے ہیں۔ اس صورتحال میں ہم پوزیٹوریزنکال سک... 20 Apr 2026
اقوام متحدہ اورعالمی برادری صدرڈونلڈ ٹرمپ کوسمجھائیں کہ وہ کشیدگی ختم... 19 Apr 2026	جنگوں کا فیصلہ عوا م نہیں حکمراں اشرافیہ یا طاقتور ادارے کرتے ہیں۔الطا... 19 Apr 2026
امریکہ اورایران کے درمیان جنگ کا مکمل خاتمہ ہوجائےاورمشرق وسطیٰ میں ا... 18 Apr 2026	روزنامہ ڈان کے پریس فوٹوگرافر فیصل مجیب کااغواء قابل مذمت ہے ... 17 Apr 2026
ایم کیوایم اوورسیزجرمنی یونٹ کی 7 رکنی سینٹرل آرگنائزنگ کمیٹی قائم ک... 15 Apr 2026	وقت آگیا ہے کہ اقوام متحدہ کی ازسرنو تشکیل کی جائے، ویٹو پاور ختم کی ... 13 Apr 2026