اطلاعات ہیں کہ پاکستان کی فوج کو غزہ بھیجا جارہا ہے۔ ماضی میں بھی جنرل ضیا الحق کی سربراہی میں پاکستان کی فوج کو اردن میں بھیجا گیا تھاجہاں بڑی تعداد میں فلسطینیوں کا قتل عام کیا گیا تھا جسے Black September کے نام سے یاد کیا جاتا ہے، اب پھر پاکستان کی فوج کوغزہ بھیجا جارہا ہے۔ میراسوال ہے کہ بیرونی طاقتوں کی ایماء پر پاکستان کی فوج کوغزہ کیوں بھیجا جارہا ہے؟ پاکستان کی فوج کو کس کے خلاف استعمال کیاجائے گا؟ اگر وہاں ایک بار پھر فلسطینیوں کا قتل ہوتا ہے تو اس کاذمہ دار کون ہوگا؟ فوج کوغزہ بھیجنے کا فیصلہ کرنے والوں کو تواس کا کوئی فرق نہیں پڑے گا، وہ توریٹائر منٹ کے بعد ملک سے باہر چلے جائیں گے لیکن پاکستان دنیا کوکیا منہ دکھائے گا؟
لہٰذا میں گزارش کرتا ہوں کہ خدارا پاکستان کی فوج کوغزہ نہ بھیجا جائے، خدارا اپنے ملک کی سوچیں، سپر طاقتوں کی کاسہ لیسی کرنا اور ان کوسیلوٹ مارناچھوڑیں اور باقیماندہ ملک کی بھلائی کے لئے اقدامات کریں،اسی میں پاکستان کی بھلائی ہے۔خطے میں تیزی سے بدلتے ہوئے حالات کو دیکھیں، انڈیاسےدشمنی ہے، افغانستان سے مذاکرات ناکام ہوچکے ہیں اور تعلقات خراب ہوچکے ہیں، خدارا بیرونی طاقتوں کے مفادات کے لئےافغانستان سے جنگ کرنے سے گریز کریں کیونکہ آپ چومکھی جنگ نہیں لڑسکتے۔
الطاف حسین
ٹک ٹاک پر 339 ویں فکری نشست سے خطاب
28 اکتوبر 2025