ایم کیوایم میڈیکل ایڈ کمیٹی کی جانب سے پانچ دن سے تادم مرگ بھوک ہڑتال پر بیٹھے ہوئے ایم کیوایم کے رہنماؤں اور کارکنوں کی طبی رپورٹ میڈیا کے سامنے پیش کردی گئی

کراچی ۔۔۔21، اگست2016ء 

ایم کیوایم میڈیکل ایڈ کمیٹی کے ڈاکٹروں کی جانب سے متحدہ قومی موومنٹ کے زیراہتمام تادم مرگ بھوک ہڑتال پر بیٹھے ہوئے ایم کیوایم کے رہنماؤں اور کارکنوں کی طبی رپورٹ سے بھوک ہڑتال کے پانچویں دن میڈیا کو آگاہ کیا ۔ ایم کیوایم میڈیکل ایڈ کمیٹی کے جوائنٹ انچارج ڈاکٹر راحیل ہاشمی نے میڈیا کے نمائندگان کو بتایا کہ مسلسل بھوک ہڑتالی پر بیٹھے رہنے کے باعث بھوک ہڑتالیوں میں ڈی ہائی ڈریشن کی علامت موجود ہے ، نمکیات کی کمی کی وجہ سے پٹھوں میں کھینچاؤ ہے ، اعصابی کمزور ی پائی جارہی ہے جبکہ پانی نہ پینے کے باعث گردوں کا نظام شدید متاثرہے ۔انہوں نے بتایا کہ بعض بھوک ہڑتالی ایسے ہیں جو بلند فشار خون کے مریض ہیں اس کی وجہ سے دل کی شریانوں پر دباؤ ہے اور تمام مریضوں کو میڈیکل ایڈ کمیٹی اپنے وسائل کے تحت بروقت طبی امداد فراہم کررہی ہے اس سلسلے میں بھوک ہڑتالی کیمپ میں لیب بھی قائم کی جارہی ہے ۔ڈاکٹر راحیل ہاشمی نے کہا کہ حق پرست رکن صوبائی اسمبلی سیف الد ین خالد بلند فشار خون کے مریض ہیں اور دو مرتبہ ان کا بلڈ پریشر کنٹرول سے باہر ہوا ہے ، انہیں عباسی شہید اسپتال میں کل ریفر کیاگیا تھا بعدازاں وہ دوبارہ بھوک ہڑتالی کیمپ میں واپس آگئے اور ڈاکٹروں کے لاکھ منع کرنے کے باوجود انہوں نے عزم و حوصلے کا ثبوت دیا اور دوبارہ بھوک ہڑتالی کیمپ میں آگئے ، آج دوبارہ انہیں میڈیکل ایڈ کے طبی کیمپ میں لایا گیا اور چار گھنٹے لگا تار آبزرویشن میں رکھا گیا، اگر یہ صورتحال بدستور قائم رہتی ہے تو ہمارے منہ میں خا ک کہ دل کا دورہ اور فالج کا خطرہ انہیں بھی ہوسکتا ہے ۔انہوں نے بتایا کہ بھوک ہڑتال پر بیٹھے ہوئے حق پرست رکن سندھ اسمبلی فیصل رفیق کی 40سال عمر ہے ،انہیں سینے پر دباؤ ، متلی اور نقاہت اور غنودگی ہے ، ان کا معائنہ اور ای سی جی کی گئی جس کے مطابق دل کی رفتار کم ہورہی ہے ، ہارٹ بیٹ ان کی 56ہے ، نبض کی رفتار بھی سست ہے ، یہ فی الحال آبزرویشن پر ہیں ، ان کو اعصابی تناؤ بھی ہے ، ان کے گردے متاثر ہونے کا خطرہ ہے ۔ انہوں نے بتایا کہ حق پرست رکن سندھ اسمبلی یوسف شاہوانی 17اگست سے بھوک ہڑتال پر موجود ہے ، پانی اور غذا نہیں لے رہے ہیں ، یہ شدید اعصابی تناؤ میں ہیں ، ان کے پٹھوں میں کھینچاؤہے ، گردن میں بہت تکلیف ہے ، دل پر بھی دباؤ ہے ، ہارٹ بیٹ انتہائی کم ہے ، سینے میں جلن اور تیزابیت کی شکایت ہے ۔انہوں نے بتایا کہ ایم کیوایم کے ذمہ دار شہزاد کی عمر 21سال ہے ، ان کے جسم کے نچلے حصے پر دباؤ اور کمزوری ہورہی ہے ، انہیں محسو س ہورہا ہے کہ ان کا نچلا حصہ کام نہیں کررہا ہے ، ان کا بلڈ شوگر بہت کم ہے ، انہیں ایمرجنسی طبی امداد دی جارہی ہے ۔انہوں نے بتایا کہ حق پرست رکن قومی اسمبلی شیخ صلاح الدین انتہائی سیریس حالت میں ہیں اور انہیں اسپتال منتقل کیا گیا ہے ۔ انہوں نے حکام بالا سے اپیل کی کہ بھوک ہڑتالیوں کو ہائی پو ٹیشن ہے ، شوگر اور بلڈ پریشر کم ہورہا ہے ، انہیں ہیو فیمیلیا ہوسکتا ہے ان پر شدید توجہ کی ضرورت ہے لہٰذا بھوک ہڑتالیوں کے تحفظات کو سنا جائے






تصاویر