MQM Foundation Day 2016

متحدہ قومی موومنٹ کے قائد جناب الطاف حسین نے چیف آف آرمی اسٹاف جنرل راحیل شریف اورمسلح افواج کی جانب ایک مرتبہ پھر دوستی کا ہاتھ بڑھاتے ہوئے پیشکش کی ہے کہ پاکستان کی سلامتی ، بقاء اور ترقی کیلئے ماضی کو فراموش کیاجائے اور مہاجروں کا ہاتھ تھام کر انہیں گلے لگایاجائے۔ ان خیالات کااظہار انہوں نے ایم کیوایم کے 32ویں یوم تاسیس کے موقع پر لندن اور پاکستان کے 37سے زائد مقامات پر ویڈیولنک کے ذریعہ بیک وقت خطاب کرتے ہوئے کیا ۔ یوم تاسیس کا مرکزی اجتماع جناح گراؤنڈ عزیز آباد میں منعقد کیا گیا جہاں نہ صرف پنڈال بلکہ عائشہ منزل ، کمپری ہینسو اسکول ، سنگم گراؤنڈ اور حسین آباد تک انسانوں کا ٹھاٹھیں مارتا سمندر دکھائی دے رہا تھا ۔ اجتماع میں خواتین بھی بہت بڑی تعداد میں موجود تھیں ۔ اس موقع پر خواتین او ر بچوں کا جوش و خروش قابل دید تھا ۔ کراچی ، حیدرآباد میر پور خاص ، سکھر ، نوابشاہ ، اندرون سندھ کے دیگر شہروں اور آزاد کشمیر و گلگت بلتستان سمیت صوبہ پنجاب، صوبہ بلوچستان اور صوبہ خیبرپختونخوا میں منعقدہ اجتماعات کے شرکاء قائد تحریک جناب الطاف حسین سے والہانہ عقیدت و محبت کااظہا رکرتے رہے اور وقفے وقفے سے جناب الطاف حسین کے حق میں فلک شگاف نعرے لگاتے رہے ۔ 
کراچی  حیدرآباد  میرپور خاص  ٹنڈو الہ یار   لاہور  نواب شاہ
وڈیو حصہ اول حصہ دوم

جلسے میں لاکھوں کی تعداد میں تمام شعبہ ہائے زندگی سے تعلق رکھنے والے مرد، خواتین، نوجوان، بچے، بچیوں اور بزرگوں نے بڑی تعداد میں شرکت کی۔