عمرشریف مرحوم کامیڈی کے بے تاج بادشاہ تھے ،ان کے چاہنے والوں کے دلوں پر ان کی حکومت آج بھی قائم ہے۔ الطاف حسین

عمرشریف مرحوم کامیڈی کے بے تاج بادشاہ تھے ،ان کے چاہنے والوں کے دلوں
 پر ان کی حکومت آج بھی قائم ہے۔ الطاف حسین 
عمر شریف اپنے چاہنے والوں کے دلوں میں ہمیشہ زندہ رہیںگے. الطاف حسین 
 بانی وقائد جناب الطاف حسین کاعمرشریف مرحوم کو دوسری برسی پر زبردست خراج عقیدت

لندن …2  اکتوبر2023ئ
متحدہ قومی موومنٹ کے بانی وقائد جناب الطاف حسین نے پاکستان کے ممتاز فنکار، رائٹر، ڈائریکٹراور'' کامیڈی کنگ '' عمرشریف مرحوم کامیڈی کے بے تاج بادشاہ تھے اوران کے چاہنے والوں کے دلوں پر ان کی حکومت آج بھی قائم ہے۔ عمرشریف مرحوم کوان کی دوسری برسی پر زبردست خراج عقیدت پیش کرتے ہوئے جناب الطاف حسین نے کہاکہ عمرشریف کوقدرت نے جوحسّ ِ ظرافت عطاکی تھی وہ ہرکسی میںفنکارمیں نہیں ہوتی ۔عمر شریف نے اپنے فنِ مزاح کے ذریعے اسٹیج کو وہ عروج عطاکیااوراپنے ڈراموں، چٹکلوں اورفی البدیہہ مکالموں کے ذریعے عوام میں ایسے قہقے بکھیرے جسکی وجہ سے نہ صرف پاکستان بلکہ دنیابھرمیں پھیلے ہوئے ان کے مداح آج تک انکی اداکاری نہیں بھولے۔ عمر شریف اپنی کامیڈی کے ذریعے اپنے چاہنے والوں کے دلوں میں ہمیشہ زندہ رہیںگے۔ جناب الطاف حسین نے عمرشریف مرحوم کی بیوہ اوربچوںسے بھی دلی تعزیت کااظہارکیا۔ 
٭٭٭٭٭