ایم کیوایم کے بانی وقائدجناب الطاف حسین کی تحریک کے بزرگ رکن آفتاب بقائی سے فون پر گفتگو، رہائی پرمبارکباد پیش کی آپ نے جس جرات وہمت ، بہادری اور صبرواستقامت کامظاہرہ کیااس پر ہم سب کوناز ہے ۔الطاف حسین

لندن … 27 جولائی 2023ئ

ایم کیوایم کے بانی وقائدجناب الطاف حسین نے ایڈوائزری کونسل کے سابق چیئرمین اورتحریک کے بزرگ رکن آفتاب بقائی سے فون پر گفتگو کی اورانہیں رہائی پرمبارکباد پیش کی ۔ آفتاب بقائی کو 10 جولائی کوان کے گھر سے گرفتارکیاگیاتھااورعدالت سے ضمانت منظور ہوجانے کے باوجود ایم پی او کے تحت سینٹرل جیل میں نظربند کردیا گیا تھا ۔ جناب الطاف حسین نے آفتاب بقائی سے گفتگوکرتے ہوئے کہاکہ آپ نے اپنی اہلیہ کی علالت اور تمام ترپریشانیوں کے باوجود جس جرات وہمت ، استقامت اوربہادری کے ساتھ کٹھن حالات کاسامنا کیاہے ، قیدوبند میں بھی جس صبرواستقامت کامظاہرہ کیا اس پر ہم سب کوناز ہے ۔آپ تمام ترآزمائشوں کے باوجود ثابت قدم رہے ، اللہ نے آپ کوسرخرو کیا۔ اللہ تعالیٰ آپ کواسی طرح ثابت قدم اورباہمت رکھے اورآپ تحریک کے مشن ومقصد اورقوم کے حقوق کی یہ جدوجہد اسی طرح ثابت قدمی سے جاری رکھیں۔ جناب الطاف حسین نے آفتاب بقائی کی اہلیہ کی صحتیابی کے لئے بھی دعا کی ۔ انہوں نے آفتاب بقائی سے کہاکہ وہ دیگرساتھیوں کی رہائی کے لئے بھی کوششیں کریں۔ آفتاب بقائی نے اپنی اوردیگرکارکنوں کی رہائی پر جناب الطاف حسین کوبھی مبارکبادپیش کی ۔ انہوں نے بتایا کہ جیل میں وفاپرست ساتھیوں نے بھی ان کااپنے بزرگ کی طرح بہت خیال رکھا۔ جناب الطاف حسین نے اسیرساتھیوں کے لئے بھی دعائیں کیں۔ 

٭٭٭٭٭