بلدیاتی انتخابات کابھرپور بائیکاٹ کرنے پر کراچی ، حیدرآباد اورٹنڈوالہ یار کے وفاپرست عوام کو ایم کیوایم کی رابطہ کمیٹی کازبردست خراج تحسین
کامیاب اوربھرپور بائیکاٹ قائدتحریک الطاف حسین کے اصولی مؤقف کی فتح ہے۔رابطہ کمیٹی
تمام تر ریاستی مظالم، گرفتاریوں، جبری گمشدگیوںاورجبرکے تمام ترہتھکنڈوں کے باوجود مہاجر اور تمام مظلوم عوام آج بھی بانی وقائدجناب الطاف حسین کے ساتھ ہیں۔ رابطہ کمیٹی
رابطہ کمیٹی کل بروز پیر لندن وقت شام 4 بجے اورپاکستان وقت رات 9بجے تفصیلی وڈیوبریفنگ کرے گی
خصوصی نشریات کرنے پر '' وی آر الطافسٹ '' کی ٹیم کو مبارکباد
لندن … 15 جنوری 2023ئ
متحدہ قومی موومنٹ کی رابطہ کمیٹی نے بانی وقائدجناب الطاف حسین کی اپیل پر آج ہونے والے بلدیاتی انتخابات کابھرپور بائیکاٹ کرنے پر کراچی ، حیدرآباد اورٹنڈوالہ یار کے وفاپرست عوام کوزبردست خراج تحسین پیش کیاہے ۔ اپنے ایک بیان میں را بطہ کمیٹی نے کہاکہ بانی وقائدجناب الطاف حسین نے عوام سے اپیل کی تھی کہ وہ ان بلدیاتی انتخابات کا بائیکاٹ کریں اورگھروں میں رہیں۔آج کراچی، حیدرآباد اور ٹنڈوالہ یار میں وفاپرست مہاجروںسمیت تمام حق پرست عوام نے بانی وقائدجناب الطاف حسین کی اپیل پر ان بلدیاتی انتخابات کابھرپوربائیکاٹ کیا اوروہ گھروں میں رہے ،تمام سیاسی جماعتوں کے پولنگ کیمپ ویران اورگلیاں سنسان رہیں
جس کے نتیجے میں پولنگ کاٹرن آؤٹ بہت کم رہا۔اس شاندار بائیکاٹ پر ہم تمام کارکنوں، ماؤں،بہنوں، بزرگوں، نوجوانوں،بچوںاورتمام مظلوم عوام کوزبردست شاباش اور خراج تحسین پیش کرتے ہیں۔ یہ کامیاب اوربھرپور بائیکاٹ بانی وقائدجناب الطاف حسین کے مؤقف کی فتح ہے اوراس بات کاکھلاثبوت ہے کہ تمام ریاستی مظالم، جبر وتشدد، وفاپرست کارکنوںکی گرفتاریوں، جبری گمشدگیوںاورجبرکے تمام ترہتھکنڈوں کے باوجود مہاجر اور تمام مظلوم عوام آج بھی بانی وقائدجناب الطاف حسین کے ساتھ ہیں۔ رابطہ کمیٹی نے کہاکہ غداروں کے مشترکہ ٹولے کو بھی بری طرح مسترد کرنے پرشہری سندھ کے عوام کوزبردست خراج تحسین پیش کرتے ہوئے کہاکہ مہاجروںسمیت تمام باضمیرعوام نے اپنے ظرف وضمیر کاسوداکرنے والوںکابھی بھرپوربائیکاٹ کیاہے جس پر وہ زبردست خراج تحسین کے مستحق ہیں۔ رابطہ کمیٹی نے بلدیاتی انتخابات کے موقع پر کئی گھنٹوں طویل خصوصی نشریات کرنے پر '' وی آر الطافسٹ '' کی ٹیم کوزبردست مبارکباد پیش کی ہے۔
رابطہ کمیٹی اس حوالے سے کل بروز پیر لندن وقت شام 4 بجے اورپاکستان وقت رات 9بجے تفصیلی وڈیوبریفنگ کرے گی۔
٭٭٭٭٭