ایم کیوایم شعبہ خواتین برطانیہ کے زیراہتمام دعوت افطار کااہتمام
دعوت افطار لندن میں ایم کیوایم کے انٹرنیشنل سیکریٹریٹ میں کی گئی
ایران، غزہ اور لبنان میں بمباری کے نتیجے میں شہید ہونے والی معصوم بچیوں سمیت تمام شہیدوں کے ایصال ثواب کے لئے دعاکی گئی
لندن…10 مارچ 2026ئ
ایم کیوایم شعبہ خواتین برطانیہ کے زیراہتمام دعوت افطار کااہتمام کیا گیا۔ دعوت افطارکااہتمام لندن کے علاقے ایجویئر میں ایم کیوایم کے انٹرنیشنل سیکریٹریٹ میں کیا گیا جس میں ایم کیوایم شعبہ خواتین کی انچارج محترمہ یاسمین نوین ، خواتین کارکنان اورلندن کے مختلف علاقوں سے تعلق رکھنے والی ہمدرد خواتین نے شرکت کی ۔ دعوت افطارمیں ایم کیوایم کی رابطہ کمیٹی اورایم کیوایم برطانیہ کی سینٹرل آرگنائزنگ کمیٹی کے ارکان نے بھی شرکت کی ۔ اس موقع پرایران، غزہ اور لبنان میں بمباری کے نتیجے میں شہید ہونے والی معصوم بچیوں سمیت تمام شہیدوں کے ایصال ثواب کے لئے دعاکی گئی ۔ اس کے ساتھ ساتھ ایم کیوایم کے شہیدوں کے لئے دعائے مغفرت، لاپتہ اوراسیرساتھیوں کی بازیابی و رہائی اور بانی وقائد جناب الطاف حسین کی صحتیابی ،د رازی عمر اورتحریک کی کامیابی کے لئے خصوصی دعا کی گئی۔