برطانوی تحقیقاتی اداروں کی جانب سے منی لانڈرنگ کے سلسلے میں جاری تحقیقات نومبر2016ء میں ختم کی جاچکی ہے، رابطہ کمیٹی

Posted on: 4/16/2019

برطانوی تحقیقاتی اداروں کی جانب سے منی لانڈرنگ کے سلسلے میں جاری تحقیقات
نومبر2016ء میں ختم کی جاچکی ہے، رابطہ کمیٹی
فوادچوہدری کوقائد تحریک الطاف حسین کے خلاف منی لانڈرنگ کی تحقیقات ختم ہونے کا علم ہی نہیں ، رابطہ کمیٹی
شہریاآفریدی ،عمران خان اور صدر ہاشمی رفسنجانی سے گفتگو کو حوالہ دے رہے ہیں جوکہ دو برس قبل انتقال کرچکے ہیں ، رابطہ کمیٹی
تحریک انصاف کی حکومت کے وزراء کے بیانات دنیا بھر میں جگ ہنسائی کا سبب بن رہے ہیں، رابطہ کمیٹی
فواد چوہدری مسخرے پن کے بجائے سنجیدگی کامظاہرہ کریں، رابطہ کمیٹی
وفاقی وزیراطلاعات فواد چوہدری کے بیان پر متحدہ قومی موومنٹ کی رابطہ کمیٹی کا تبصرہ

لندن۔۔۔16، اپریل2019ء
متحدہ قومی موومنٹ کی رابطہ کمیٹی نے وفاقی وزیراطلاعات فواد چوہدری کی جانب سے منی لانڈرنگ کے معاملہ پر قائد تحریک جناب الطاف حسین کو پاکستان لانے کے بیان پر تبصرہ کرتے ہوئے کہاہے کہ تحریک انصاف کی حکومت کے وزراء کے بیانات دنیا بھر میں جگ ہنسائی کا سبب بن رہے ہیں۔ رابطہ کمیٹی نے کہاکہ ایک جانب وزیرمملکت برائے داخلہ شہریاآفریدی اپنے وزیراعظم عمران خان اور ایران کے صدر ہاشمی رفسنجانی سے گفتگو کو حوالہ دے رہے ہیں جوکہ دو برس قبل انتقال کرچکے ہیں جبکہ دوسری جانب وفاقی وزیراطلاعات کی لاعلمی کا یہ حال ہے کہ انہیں قائد تحریک جناب الطاف حسین کے خلاف منی لانڈرنگ کی تحقیقات ختم ہونے کا علم ہی نہیں ہے۔ رابطہ کمیٹی نے کہاکہ جن وزراء کو اپنے وزیراعظم ہونے کا پتہ اپنی زوجہ سے چلتا ہو ان کے وزراء سے اسی قسم کی حماقت کی توقع کی جاسکتی ہے۔ رابطہ کمیٹی نے کہاکہ لندن میں برطانوی تحقیقاتی اداروں کی جانب سے منی لانڈرنگ کے سلسلے میں جاری تحقیقات نومبر2016ء میں ختم کی جاچکی ہے اور پولیس کی جانب سے جناب الطاف حسین اورایم کیوایم کو باقاعدہ خط لکھ کرمطلع کیاجاچکا ہے ۔رابطہ کمیٹی نے فواد چوہدری کو مشورہ دیا کہ وہ قائد تحریک جناب الطاف حسین کے خلاف اقدامات پر توجہ دینے کے بجائے اپنی حکومت کی کارکردگی بہتر بنانے پر توجہ دیں اورمسخرے پن کے بجائے سنجیدگی کامظاہرہ کریں۔

*****

10/27/2025 2:04:24 PM

26 ویں آئینی ترمیم کوکالعدم قراردیا جائے، غیرآئینی ترامیم کے تحت تشکی... 26 Oct 2025	میں پاکستان کوحقیقی معنوں میں آزاد اورخودمختار بناناچاہتا ہوں ... 25 Oct 2025
صوبہ خیبرپختونخوا کے وزیراعلیٰ سہیل آفریدی اور ان کے وکلاء کو اسلام آ... 25 Oct 2025	متحدہ قومی موومنٹ کی رابطہ کمیٹی ایم کیوایم کی کوآرڈی نیشن کمیٹی کے لا... 20 Oct 2025
سسٹم کیا ہے ؟ کیسے چلتاہے؟ کون چلاتاہے ؟ سسٹم میں کون کون سے عناصر شام... 20 Oct 2025	1953ء میں پاکستان کی سرحدیں ہندوستان کے مسلمانوں پر بند کرکے دوقومی نظ... 19 Oct 2025
پاکستان کی عسکری اور سیاسی قیادت نے 20 نکاتی منصوبہ تسلیم کرلیا جس می... 19 Oct 2025	فکری نشست : سیاسی جماعت اورتحریک کافرق ... 18 Oct 2025
وزیراعلیٰ خیبرپختونخوا سہیل آفریدی کو مبارکباد ... 17 Oct 2025	تحریک لبیک کے احتجاج کوکچلنے کے لئے حکومت کی جانب سے جس طرح طاقت کا اس... 17 Oct 2025