سندھ اسمبلی میں اپوزیشن لیڈرخواجہ اظہارالحسن پر قاتلانہ حملے کی شدیدمذمت کرتے ہیں۔ندیم نصرت ،کنوینرایم کیوایم

Posted on: 9/2/2017 1

سندھ اسمبلی میں اپوزیشن لیڈرخواجہ اظہارالحسن پر قاتلانہ حملے کی شدیدمذمت کرتے ہیں۔ندیم نصرت ،کنوینرایم کیوایم
ڈاکٹرفاروق ستارکی جانب سے بغیرتحقیق وتصدیق کے اس واقعہ میں ایم کیوایم کو ملوث کرنے کی کوشش کی بھی مذمت
ڈاکٹر فاروق ستارخوداس بات کااعتراف کررہے ہیں کہ لندن کی آڑمیں کوئی بھی کارروائی کرسکتاہے ۔ ندیم نصرت
ہم اس الزام کی سختی سے تردید کرتے ہیں، ایم کیوایم کااس واقعہ سے کوئی تعلق نہیں ہے۔ندیم نصرت
30جولائی 2017ء کو اخبارات میں شائع ہونے والی سی ٹی ڈی کی رپورٹ میں کہا گیاہے کہ کالعدم تنظیم کے
دہشت گرد ایم کیوایم پاکستان اورپی ایس پی کے کارکنوں اوراہل تشیع افرادپر حملے کرسکتے ہیں۔ندیم نصرت
حضرت امجد صابری ؒ شہید،جامعہ کراچی کے پروفیسرشکیل عوج، سانحہ صفورامیں بھی ایم کیوایم کو ملوث کرنے کی کوشش کی گئی تھی لیکن حقائق ریکارڈ پر موجودہیں کہ یہ الزامات غلط ثابت ہوئے اوراصل قاتل بے نقاب ہوئے ۔ ندیم نصرت
خواجہ اظہارالحسن پرقاتلانہ حملے کی تحقیقات کرائی جائے اوراس میں ملوث افرادکوگرفتارکیاجائے ۔ ندیم نصرت

متحدہ قومی موومنٹ کے کنوینرندیم نصرت نے سندھ اسمبلی میں اپوزیشن لیڈرخواجہ اظہارالحسن پر قاتلانہ حملے کی شدیدمذمت کی ہے ۔ اپنے بیان میں انہوں نے کہاکہ یہ حملہ ایک گہری سازش کاحصہ معلوم ہوتاہے کیونکہ حملے کے وقت حکومت وانتظامیہ کی جانب سے وہاں مناسب سیکوریٹی نہیں تھی اورخودخواجہ اظہارالحسن کی جانب سے بھی بارہایہ شکایت ریکارڈپر آچکی ہے کہ حکومت کی جانب سے انہیں سیکوریٹی نہیں دی جارہی ہے۔ ندیم نصرت نے ڈاکٹرفاروق ستارکی جانب سے بغیرتحقیق وتصدیق کے اس واقعہ میں ایم کیوایم کو ملوث کرنے کی کوشش کی بھی مذمت کی اورکہاکہ میڈیاسے گفتگوکرتے ہوئے ڈاکٹر فاروق ستارخوداس بات کااعتراف کررہے ہیں کہ لندن کی آڑمیں کوئی بھی کارروائی کرسکتاہے لیکن اس کے باوجود اس واقعہ کے حوالے سے لندن کی طرف اشارہ کرنااورجھوٹاالزام عائدکرناقابل مذمت ہے ۔ ندیم نصرت نے کہاکہ ہم اس الزام کی سختی سے تردید کرتے ہیں، ایم کیوایم کااس واقعہ سے کوئی تعلق نہیں ہے۔ندیم نصرت نے کہاکہ 30جولائی 2017ء کو اخبارات میں شائع ہونے والی سی ٹی ڈی کی ایک رپورٹ ریکارڈ پر موجود ہے جس میں واضح الفاظ میں کہا گیاہے کہ سینٹرل جیل سے فرار ہونے والے کالعدم تنظیم کے دہشت گرد ایم کیوایم پاکستان اورپی ایس پی کے کارکنوں اوراہل تشیع افرادپر حملے کرسکتے ہیں ، شہرمیں کالعدم تنظیموں کے عناصر کی جانب سے پولیس پرحملے اور دہشت گردی کے واقعات بھی مسلسل رونما ہورہے ہیں ۔ ندیم نصرت اور اراکین رابطہ کمیٹی نے کہاکہ ممتازصوفی قوال حضرت امجد صابری ؒ شہید،جامعہ کراچی کے پروفیسرشکیل عوج، سانحہ صفورامیں بھی ایم کیوایم کو ملوث کرنے کی کوشش کی گئی تھی لیکن حقائق ریکارڈ پر موجودہیں کہ یہ الزامات غلط ثابت ہوئے اوراصل قاتل بے نقاب ہوئے ۔ ندیم نصرت نے خواجہ اظہارالحسن پرقاتلانہ حملے کی شدیدمذمت کی اورمطالبہ کیاکہ اس واقعہ کی تحقیقات کرائی جائے اوراس میں ملوث افرادکوگرفتارکیاجائے ۔ ندیم نصرت نے واقعہ میں جاں بحق ہونے والے بچے اورپولیس اہلکار کے اہل خانہ سے بھی دلی تعزیت کااظہارکیا۔

*****

11/3/2025 1:48:26 AM

Only MQM, as political party, raised common men to the status of lawm... 01 Nov 2025	The 27th Constitutional Amendment saying that the move aims to beef up... 30 Oct 2025
Passage of 27th Constitutional Amendment is in pipeline as escalated e... 28 Oct 2025	The 26th Constitutional Amendment and the Future of the Justice System... 27 Oct 2025
I want to make Pakistan free in letter and spirit and independent. S... 25 Oct 2025	Happydiwali2025 ... 20 Oct 2025
Altaf Hussain calls for permanent ceasefire with Afghanistan: ... 16 Oct 2025	Make good bilateral ties with Afghanistan rather than becoming deadlie... 16 Oct 2025
Altaf condemns impediments in KP CM election; calls It “Injustice to P... 14 Oct 2025	Creating impediments in the election of the KP CM through undemocrati... 13 Oct 2025