ایم کیوایم کی رابطہ کمیٹی کے رکن اورسینئر پروفیسر ڈاکٹرحسن ظفر عارف کو چھ ماہ بعد ضمانت پررہاکردیاگیا
پروفیسر حسن ظفر عارف کو22 اکتوبر 2016ء کو رینجرزنے اس وقت گرفتارکرلیاتھاجب وہ پریس کانفرنس کرنے پریس کلب گئے تھے
ایم کیوایم کے وکلاء اورخواتین کارکنوں کی بڑی تعدادنے سینٹرل جیل کراچی کے باہر پروفیسرحسن ظفرعارف کااستقبال کیا
پروفیسرحسن ظفرعارف پرپھولوں کی پتیاں نچھاور کیں، پھولوں کے ہارپہنائے گئے اورمٹھائی کھلائی
’’ زندہ ہے مہاجر ۔۔۔زندہ ہے‘‘ ، ’’ جیلو ں میں جاکے ۔۔۔زندہ ہے ‘‘ ، ’’ الطاف کی صورت ۔۔۔زندہ ہے ‘‘ کے زوردارنعروں سے پروفیسر حسن ظفر عارف کااستقبال

متحدہ قومی موومنٹ کی رابطہ کمیٹی کے رکن اورسینئراوربزرگ پروفیسر ڈاکٹرحسن ظفر عارف کوآج چھ ماہ بعد ضمانت پررہاکردیاگیا۔ پروفیسر حسن ظفر عارف کو22 اکتوبر 2016ء کو کراچی پریس کلب سے رینجرزنے اس وقت گرفتارکرلیاتھاجب وہ ایک پریس کانفرنس کرنے پریس کلب گئے تھے ۔ گرفتاری کے بعد انہیں کچھ روزرینجرزنے نامعلوم مقام پر رکھا جس کے بعد ایک ماہ کے لئے ایم پی او کے تحت جیل میں قیدکردیاگیاتھا۔جب 20دسمبر 2016 ء کوانہیں رہاگیاتورہائی کے فوری بعد جیل کے باہر سے دوبارہ حراست میں لے لیاگیااورپھرمختلف تھانوں میں رکھ کرانہیں مختلف مقدمات میں ملوث کردیاگیا۔اس دوران انہیں ہتھکڑیاں لگاکر انسداددہشت گردی کی عدالت میں پیش کیاجاتارہا، ان کی رہائی کیلئے عدالت میں ضمانت کی درخواستیں دائر کی جاتی رہیں لیکن انہیں رہانہیں کیاگیا۔ تاہم گزشتہ ہفتہ انسداددہشت گردی کی عدالت نمبر ایک کے جج نے پروفیسر حسن ظفر عارف ایک لاکھ روپے کی ضمانت منظورکرلی ۔ ضمانت کی مطلوبہ دفتری کارروائی کے بعد آج انسداد دہشت گردی کی عدالت نمبر ایک کے جج بشیراحمد نے پروفیسر حسن ظفر عارف کی رہائی کے احکامات جاری کردیے ۔ رہائی کے احکامات کی خبرملنے پر ایم کیوایم کے وکلاء اوربڑی تعدادمیں خواتین کارکنان سینٹرل جیل کراچی کے باہر جمع ہوگئیں۔ شام کوجیسے ہی پروفیسر حسن ظفر عارف رہائی کے بعد جیل کے مرکزی دروازے سے باہر نکلے تووہاں موجود خواتین کارکنوں نے ان پر پھولوں کی پتیاں نچھاور کیں اور ’’ زندہ ہے مہاجر ۔۔۔زندہ ہے‘‘ ، ’’ جیلو ں میں جاکے ۔۔۔زندہ ہے ‘‘ ، ’’ الطاف کی صورت ۔۔۔زندہ ہے ‘‘ ’’ نعرہ الطاف ۔۔۔جئے الطاف ‘ ‘ ، ’’خون رنگ لائے گا۔۔۔انقلاب آئے گا ‘‘ کے زوردارنعروں سے پروفیسر حسن ظفر عارف کااستقبال کیا۔ پروفیسر حسن ظفر عارف نے انگلیوں سے وکٹری کانشان بناکران کے نعروں کاجواب دیا۔ اس موقع پر خواتین کارکنوں نے پروفیسر حسن ظفر عارف کو بڑی تعداد میں پھولوں کے ہارپہنائے اورمٹھائی کھلائی۔ اس موقع پر پروفیسر حسن ظفر عارف کے اہل خانہ بھی موجود تھے ۔

*****

12/4/2021 7:34:13 PM

پورے کراچی میں چائناٹاؤن بنانے کے لئے کراچی میں بستیاں گرائی جارہی ہی... 30 Dec 2021	پورے کراچی میں چائناٹاؤن بنانے کے لئے کراچی میں بستیاں گرائی جارہی ہی... 30 Dec 2021
طارق میرکے ساتھ پیش آنے والے واقعہ سے ایم کیوایم کے کارکنوں کا کوئی تع... 29 Nov 2021	ایم کیوایم کے فلاحی ادارے SUN چیریٹی پر غیرقانونی قبضہ کے خلاف ایم ک... 29 Nov 2021
ایم کیویم کے بانی وقائد الطاف حسین کراچی میں نسلہ ٹاورکوگرانے اوردیگر... 26 Nov 2021	کراچی سے سکھر تک ہرشہرکی دیواریں پکار پکار کر کہہ رہی ہیں کہ سندھ بھر... 24 Nov 2021
قوم کو یہ فیصلہ کرنا ہوگا کہ ہمیں آنے والی نسلوں کوغلامی کی ذلت آمیزز... 23 Nov 2021	مہاجرہماری شناخت ہے اور سندھ دھرتی ہمارا وطن ہے، قائد تحریک الطاف حسین... 22 Nov 2021
اگرعدالتیں آزادہوتیں تو پاکستان میں کبھی فوجی مارشل لاء نہیں لگتا۔ال... 21 Nov 2021	کراچی کی کوآپریٹو مارکیٹ اوروکٹوریہ مارکیٹ میں آگ لگی نہیں بلکہ طاقت... 18 Nov 2021