اورنگی ٹاؤن میں ڈکیتیوں کے خلاف احتجاج کرنے والے نوجوانوں، بزرگوں اورخواتین پر متعصب پولیس کا
بہیمانہ تشدداوراندھادھندگرفتاریاں قابل مذمت ہیں۔ ندیم نصرت کنوینرایم کیوایم
پیپلزپارٹی کی متعصب حکومت نے کراچی کے شہریوں کوڈاکوؤں اوررہزنوں کے رحم وکرم پرچھوڑرکھاہے
ان وارداتوں کے خلاف پرامن احتجاج کرنے والے شہریوں پرہی تشددکیاجارہاہے
پولیس نے اورنگی ٹاؤن کے عوام پر جو ظلم وستم ڈھایا ہے وہ پیپلزپارٹی کی کراچی دشمنی اورمہاجردشمنی کاکھلاثبوت ہے ۔ندیم نصرت
اگر یہ ظلم بند نہیں کیاگیا تواس ظلم کے خلاف احتجاج صرف اورنگی ٹاؤن ہی میں نہیں بلکہ پورے شہرمیں ہوگا۔ ندیم نصرت
اورنگی ٹاؤن سے گرفتارکئے گئے تمام بے گناہ افرادکوفی الفوررہاکیاجائے ۔ ندیم نصرت
چادوچاردیواری کاتقدس پامال کرنے والے پولیس افسران و اہلکاروں کے خلاف کارروائی کی جائے۔ ندیم نصرت
عوام کوپولیس اورریاستی طاقت کے ذریعے کچلنے کے بجائے انہیں انصاف فراہم کیاجائے۔ ندیم نصرت

متحدہ قومی موومنٹ کے کنوینر ندیم نصرت نے کراچی کے علاقے اورنگی ٹاؤن میں ڈکیتیوں کے خلاف احتجاج کرنے والے نوجوانوں، بزرگوں اورخواتین پر متعصب پولیس کے بہیمانہ تشدداوراندھادھندگرفتاریوں کی شدیدالفاظ میں مذمت کی ہے ۔ اپنے بیان میں ندیم نصرت نے کہاکہ پیپلزپارٹی کی کراچی دشمن متعصب حکومت سندھ نے ایک طرف توکراچی کے شہریوں کوڈاکوؤں ، رہزنوں اورجرائم پیشہ عناصر کے رحم وکرم پرچھوڑرکھاہے دوسری طرف ان وارداتوں کے خلاف پرامن احتجاج کرنے والے شہریوں پرہی تشددکیاجارہاہے۔انہوں نے کہاکہ اورنگی ٹاؤن سمیت شہرکے کئی علاقوں اوربازاروں میں جرائم پیشہ عناصر کے گروپ گھروں اوردکانوں میں ڈکیتیاں کررہے ہیں اورشہریوں کی عمربھرکی جمع پونجی لوٹ رہے ہیں، علاقے میں ڈکیتیوں کی وارداتوں کے خلاف وہاں کے عوام گزشتہ چند روز سے احتجاج کررہے ہیں لیکن انہیں ان کی آوازسننے اورانہیں جان ومال کاتحفظ فراہم کرنے کے بجائے پیپلزپارٹی کی کراچی دشمن حکومت کی ایماء پر آج متعصب پولیس نے پرامن احتجاج کرنے والے اورنگی ٹاؤن کے عوام پر ہی دھاوا بول دیااورگھروں میں گھس گھس کرکئی پرامن نوجوانوں اور بزرگوں کوحراست میں لے لیا، انہیں بری طرح تشددکانشانہ بنایا اورجب خواتین نے ان بے گناہوں کی گرفتاریوں پر احتجاج کیاتوپولیس نے ان پر بھی تشددکیا۔ ندیم نصرت نے اس پولیس ایکشن کی شدیدالفاظ میں مذمت کرتے ہوئے کہاکہ پیپلزپارٹی جب بھی سندھ میں برسراقتدارآئی ہے اس نے سندھ کے شہری علاقوں خصوصاً کراچی اورحیدرآبادمیں مہاجروں کوان کے حقوق دینے ، انہیں انصاف فراہم کرنے کے بجائے اسی طرح ظلم وستم کانشانہ بنایاہے ،آج بھی اس کی متعصب حکومت کراچی میں پولیس کے ذریعے وہی ظلم وستم کررہی ہے ۔انہوں نے کہا کہ پولیس نے آج اورنگی ٹاؤن کے عوام پر جو ظلم وستم ڈھایا ہے وہ پیپلزپارٹی کی کراچی دشمنی اورمہاجردشمنی کاکھلاثبوت ہے ۔ندیم نصرت نے کہاکہ اگر یہ ظلم بند نہیں کیاگیا تواس ظلم کے خلاف احتجاج صرف اورنگی ٹاؤن ہی میں نہیں بلکہ پورے شہرمیں ہوگا اورپھرپیپلزپارٹی کی متعصب حکومت اسے نہیں روک سکے گی۔ ندیم نصرت نے مطالبہ کیاکہ اورنگی ٹاؤن سے گرفتارکئے گئے تمام بے گناہ افرادکوفی الفوررہاکیاجائے ، گھروں میں گھس کرچادوچاردیواری کاتقدس پامال کرنے والے پولیس افسران و اہلکاروں کے خلاف کارروائی کی جائے اورعوام کوپولیس اورریاستی طاقت کے ذریعے کچلنے کے بجائے انہیں انصاف فراہم کیاجائے ۔

9/21/2021 9:34:20 PM

ایم کیوایم انٹرنیشنل سیکریٹریٹ لندن میں قائدتحریک الطاف حسین کی 68و... 19 Sep 2021	چاہے سندھی ہمیں تسلیم نہ کرے،چاہے کوئی ہمارے ساتھ نہ آئے، ہم سندھ کو... 19 Sep 2021
ایم کیوایم کے بانی وقائدجناب الطاف حسین آج بروز ہفتہ لندن میں سالگرہ ک... 18 Sep 2021	دنیا کی بدلتی ہوئی صورتحال اس بات کاواضح اشارہ دے رہی ہے کہ پاکستان کی... 17 Sep 2021
ایم کیوایم کے بانی وقائد جناب الطاف حسین کا شہیدانقلاب ڈاکٹرعمران ... 17 Sep 2021	ایم کیوایم کے قائد الطاف حسین کی 68ویںسالگرہ کے سلسلے میں فون پر اجتم... 17 Sep 2021
ایم کیوایم کے شہید کنوینر شہیدانقلاب ڈاکٹرعمران فاروق کی گیارہویں برس... 16 Sep 2021	بانی وقائد تحریک الطاف حسین کی 68 ویں سالگرہ کل بروز جمعہ17 ،ستمبر202... 16 Sep 2021
آج شہید انقلاب ڈاکٹر عمران فاروق کی 11 ویں برسی دنیا بھرمیں عقید ت وا... 16 Sep 2021	ایم کیوایم کے تاریخی ''مفت بازار'' کو سوشل میڈیاپر مؤثر اندازمیں پیش ک... 14 Sep 2021