21 جنوری کو’ استحکام پاکستان ریلی ‘‘ اورمزار قائداعظم پرجلسہ کراچی کی تاریخ کا بڑاجلسہ ہوگا۔ندیم نصرت
مختلف ہم خیال گروپوں سے رابطے میں ہیں، پاکستان قومی موومنٹ بھی ان میں سے ایک ہے
21جنوری کو کراچی میں عائشہ منزل سے مزارقائداعظم تک’’ استحکام پاکستان ریلی ‘‘ ہوگی اور مزار قائداعظم پر جلسہ ہوگا
ریلی اورجلسہ کے انعقادکے سلسلے میں کراچی کی انتظامیہ سے اجازت کے لئے باقاعدہ درخواست دی گئی ہے
پاکستان کی سلامتی اور استحکام پریقین رکھتے ہیں اورچاہتے ہیں کہ پاکستان مضبوط ومستحکم ہو
ملک میں انصاف کاایسانظام قائم ہوجہاں تمام نسلی ولسانی اکائیوں کے ساتھ مساوی سلوک ہو ،سب کوجائزحقوق حاصل ہوں
ایم کیوایم انٹرنیشنل سیکریٹریٹ میں لندن میں زیرتعلیم پاکستانی طلبہ وطالبات کے وفد سے گفتگو

متحدہ قومی موومنٹ کی رابطہ کمیٹی کے کنوینرندیم نصرت نے کہاہے کہ 21 جنوری کوکراچی میں’’ استحکام پاکستان ریلی ‘‘ اورمزار قائداعظم پرجلسہ کراچی کی تاریخ کا بڑاجلسہ ہوگا۔ انہوں نے یہ بات آج ایم کیوایم انٹرنیشنل سیکریٹریٹ میں لندن میں زیرتعلیم پاکستانی طلبہ وطالبات کے ایک وفد سے گفتگوکرتے ہوئے کہی۔ مختلف یونیورسٹیوں میں زیرتعلیم یہ طلبہ وطالبات پاکستان کی سیاست اورایم کیوایم پر پی ایچ ڈی کررہے ہیں۔ ندیم نصرت نے کہاکہ پاکستان ہمارے آباؤاجدادنے بنایاہے اوراس کے قیام میں ہمارے لاکھوں بزرگوں نے اپنی جانوں کا نذرانہ پیش کیااورلازوال قربانیاں دی ہیں لیکن افسوس کہ بانیان پاکستان کی اولادوں کے ساتھ منصفانہ سلوک نہیں کیاجارہاہے اورانہیں ان کے حق سے محروم رکھاجارہاہے۔ ندیم نصرت نے کہاکہ ہم پاکستان کی سلامتی اور استحکام پریقین رکھتے ہیں اورچاہتے ہیں کہ پاکستان مضبوط ومستحکم ہواورملک میں انصاف کاایسانظام قائم ہوجہاں تمام نسلی ولسانی اکائیوں کے ساتھ مساوی سلوک ہو اورسب کوان کے جائزحقوق حاصل ہوں، ہماری جدوجہدایسے ہی منصفانہ نظام کے قیام کیلئے ہے ۔ انہوں نے کہاکہ پاکستان میں منصفانہ نظام کے قیام کی جدوجہدکے سلسلے میں ہم پاکستان میں مختلف ہم خیال گروپوں سے رابطے میں ہیں ،پاکستان قومی موومنٹ بھی انہی میں سے ایک ہے ،اس ضمن میں ہم خیال لوگوں میں ہمارے لئے مثبت جذبات پائے جاتے ہیں، ۔ انہوں نے مزیدکہاکہ اپنے اسی عزم کے عملی اظہارکیلئے 21جنوری کو کراچی میں عائشہ منزل سے مزارقائداعظم تک’’ استحکام پاکستان ریلی ‘‘ نکالنے اورمزار قائداعظم پر جلسہ کے انعقاد کافیصلہ کیاگیاہے ۔ اس ریلی اورجلسہ کے انعقادکے سلسلے میں کراچی کی انتظامیہ سے اجازت کیلئے باقاعدہ درخواست دی گئی ہے ،انشاء اللہ یہ ریلی اوریہ جلسہ کراچی کی تاریخ کا بڑاجلسہ ہوگا۔اس موقع پر طلبہ وطالبات نے پاکستان سے فرسودہ جاگیردارانہ نظام اورموروثی سیاسی کلچرکے خاتمہ،ملک بھرسے مڈل کلاس قیادت کوآگے لانے اورملک میں مڈل کلاس قیادت کی حکمرانی کے امکانات ، ایم کیوایم کے طرزسیاست، غریب ومتوسط طبقہ کے انقلاب کیلئے ایم کیوایم کی جدوجہد، ایم کیوایم پر لگائے جانے والے مختلف الزامات، ایم کیوایم کے خلاف جاری آپریشن کے اسباب اورایم کیوایم میں تقسیم کے حوالے سے مختلف سوالات کئے ، کنوینرندیم نصرت نے ان سوالات کے تفصیلی جوابات دیئے جس پر طلبہ وطالبات کے وفد نے اپنے اطمینان کااظہارکیا۔

*****

7/23/2021 11:29:58 PM

ایم کیوایم شعبہ خواتین کی سینئر رکن محترمہ سنجیدہ توصیف کے شوہر سیدت... 22 Jul 2021	'' ایک پاکستان ، ایک قوم '' کے نعرے جھوٹ، فریب ، مکر اور دھوکہ ہیں۔ال... 21 Jul 2021
ایم کیوایم ڈربن چیپٹر کے انچارج رضی بھائی کی علالت پر قائد تحریک الطاف... 20 Jul 2021	ایم کیوایم کے کارکنان سمیت پاکستان بھرکے عوام کوایم کیوایم کے قائدالط... 20 Jul 2021
ایم کیوایم پنجاب تحصیل حاصل پور کے سابق سینئر نائب صدر میاں اسلم کھر... 19 Jul 2021	برطانیہ ، امریکہ ،کینیڈا، جرمنی ، ساؤتھ افریقہ ، سعودی عرب اورخلیجی ر... 19 Jul 2021
شاہ فیصل سیکٹر کے کارکن خالد انصاری کی بھانجی صائمہ راشد کے انتقال پ... 17 Jul 2021	ایم کیوایم کے بزرگ ہمدرد جناب شاہ اسرارالحق سے کی اہلیہ کے انتقال پ... 16 Jul 2021
ایم کیوایم کے سینئر رکن اشرف نور کے تایا زاد بھائی ظہورمجید کے انتقال... 15 Jul 2021	ایم کیوایم پنجاب تحصیل حاصل پور کے سابق سینئر نائب صدر میاں اسلم کھرل... 14 Jul 2021