Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

ڈسٹرکٹ سینٹرل کے حق پرست وائس چیئرمین شاکرعلی دل کا دورہ پڑنے کے باعث آج انتقال کرگئے


ڈسٹرکٹ سینٹرل کے حق پرست وائس چیئرمین شاکرعلی دل کا دورہ پڑنے کے باعث آج انتقال کرگئے
 Posted on: 1/7/2017 1
ڈسٹرکٹ سینٹرل کے حق پرست وائس چیئرمین شاکرعلی دل کا دورہ پڑنے کے باعث آج انتقال کرگئے
21 ، جنوری کو استحکام پاکستان ریلی اور قائد تحریک الطاف حسین کے خطاب کی تیاریوں میں مصروف شاکرعلی
کے اپارٹمنٹ کی دیوار پر اشتعال انگیز تحریر ان کی موت کا سبب بن گئی
قائد تحریک الطاف حسین سے وابستگی کے جرم میں انہیں علاقے کے عوام کی خدمت سے روکاجاتارہا
کئی ہفتوں سے پی آئی بی ٹولہ کی جانب سے شاکرعلی پردباؤ ڈالا جارہا تھا کہ وہ اپنی سیاسی وفاداری تبدیل کرلیں
پی آئی بی ٹولہ کے شرپسند عناصر انہیں گھر پرآکر مسلسل سنگین نتائج کی دھمکیاں دے رہے تھے
مسلسل دھمکیوں کے باعث شاکرعلی اور ان کے اہل خانہ شدیدذہنی دباؤ کا شکار تھے
شاکر علی کے انتقال کی خبرایم کیوایم کے حلقوں میں انتہائی دکھ اور افسوس کے ساتھ سنی گئی

ڈسٹرکٹ سینٹرل یوسی 22 کے حق پرست وائس چیئرمین شاکرعلی دل کا دورہ پڑنے کے باعث آج انتقال کرگئے ۔ (انا للہ وانا الہ راجعون) تفصیلات کے مطابق 21 ، جنوری کو استحکام پاکستان ریلی اور ریلی سے قائد تحریک جناب الطاف حسین کے خطاب کی تیاریوں میں جوش وجذبہ کے ساتھ مصروف حق پرست وائس چیئرمین شاکرعلی کے اپارٹمنٹ کی دیوار پر اشتعال انگیز تحریر ان کی موت کا سبب بن گئی ۔ متحدہ قومی موومنٹ کے سرگرم کارکن اور نارتھ ناظم آبادکے رہائشی 50سالہ شاکر علی کا شمار ایم کیوایم کے سینئر کارکنان میں ہوتا ہے اور وہ قائد تحریک جناب الطاف حسین سے والہانہ عقیدت ومحبت رکھتے تھے ، مرحوم انتہائی شریف النفس ،ملنسار اور علاقے کی ہردلعزیز شخصیت تھے اور ہرکسی کے کام آنے میں خوشی محسوس کیاکرتے تھے ۔ حالیہ بلدیاتی الیکشن میں انہیں ڈسٹرکٹ سینٹرل کی یوسی 22 سے وائس چیئرمین منتخب کیاگیا لیکن قائد تحریک جناب الطاف حسین سے وابستگی کے جرم میں انہیں علاقے کے عوام کی خدمت سے روکاجاتارہا ۔ گزشتہ کئی ہفتوں سے پی آئی بی ٹولہ کی جانب سے شاکرعلی پردباؤ ڈالا جارہا تھا کہ وہ اپنی سیاسی وفاداری تبدیل کرلیں، قائد تحریک الطاف حسین سے لاتعلقی اختیارکرکے پی آئی بی ٹولہ کو جوائن کرلیں ورنہ انہیں رینجرز کے ذریعہ گرفتارکرکے جھوٹے مقدمات میں ملوث کرادیا جائے گا۔ گزشتہ دنوں 21 ، جنوری کو متحدہ قومی موومنٹ کے تحت استحکام پاکستان ریلی اور ریلی سے قائد تحریک جناب الطاف حسین کے خطاب کی تیاریوں اور کارکنوں سے رابطہ کے حوالہ سے شاکر علی دن رات مصروف تھے اور محنت ولگن سے تنظیمی امورانجام دے رہے تھے جس کی وجہ سے پی آئی بی ٹولہ کے شرپسند عناصر انہیں گھر پرآکر مسلسل سنگین نتائج کی دھمکیاں دے رہے تھے ، مسلسل دھمکیوں کے باعث شاکرعلی اور ان کے اہل خانہ شدیدذہنی دباؤ کا شکار تھے ۔ گزشتہ روز پی آئی بی ٹولہ کے شرپسند عناصر کی جانب سے ایم کیوایم کے دیگر کارکنان کے گھروں کی طرح شاکرعلی کے اپارٹمنٹ کی دیوار پربھی اشتعال انگیزتحریر لکھی گئی تھی جس کے باعث وہ شدید دباؤ اورذہنی کرب میں مبتلا ہوگئے اور 21 ، جنوری کو استحکام پاکستان ریلی اور ریلی سے قائد تحریک جناب الطاف حسین کے خطاب کی تیاریوں میں جوش وجذبہ کے ساتھ مصروف حق پرست وائس چیئرمین شاکرعلی کے اپارٹمنٹ کی دیوار پر اشتعال انگیز تحریر ان کی موت کا سبب بن گئی ۔ شاکر علی ولد محمد رفیع خان نارتھ ناظم آباد کے رہائشی تھے ، مرحوم شادی شدہ تھے اور ان کے پسماندگان میں بیوہ ، دوبیٹے اور ایک بیٹی شامل ہیں۔شاکر علی کے انتقال کی خبرایم کیوایم کے حلقوں میں انتہائی دکھ اور افسوس کے ساتھ سنی گئی اور انتقال کی خبرملتے ہی ایم کیوایم کے کارکنان ، ہمدردوں اورمرحوم کے عزیزواقارب کی بڑی تعداد ان کی رہائش گاہ پرپہنچ گئی۔ شاکرعلی مرحوم کی نماز جنازہ آج بعدنمازعصر مقامی مسجد میں ادا کی جائے گی اور انہیں یاسین آباد کے قبرستان میں سپردخاک کیاجائے گا۔
*****
8/11/2026 11:04:15 PM