اے پی ایم ایس او کے طلباء کارکنان آج بھی قائد تحریک الطاف حسین کے ساتھ ہیں، ڈاکٹرندیم احسان
رکن رابطہ کمیٹی متحدہ قومی موومنٹ
مہاجرقوم بالخصوص مہاجرطلباء وطالبات ان ضمیرفروشوں کے بہکاوے میں ہرگز نہیں آئیں گے، ڈاکٹرندیم احسان
پوری مہاجرقوم اے پی ایم ایس او کے پرعزم اور وفادار کارکنان کو خراج تحسین پیش کرتی ہے، ڈاکٹر ندیم احسان
ضمیرفروش عناصر کی جانب سے نوجوان کونسلرز کااجلاس بلاکر اے پی ایم ایس او کی تنظیم نو کا اعلان کرنا مضحکہ خیز ہے ، ڈاکٹرندیم احسان
اپنے گھناؤنے عزائم کی تکمیل کیلئے دھوکہ دینے والے مہاجرقوم کے کھلے دشمن ہیں، ڈاکٹرندیم احسان
پی آئی بی کالونی ٹولہ کی جانب سے اے پی ایم ایس او کی تنظیم نو کے اعلان پر تبصرہ

متحدہ قومی موومنٹ کی رابطہ کمیٹی کے رکن ڈاکٹر ندیم احسان نے پی آئی بی کالونی ٹولہ کی جانب سے اے پی ایم ایس او کی تنظیم نو کے اعلان پر تبصرہ کرتے ہوئے کہاکہ اے پی ایم ایس او کے طلباء کارکنان آج بھی قائد تحریک جناب الطاف حسین کے ساتھ ہیں اورمہاجرقوم بالخصوص مہاجرطلباء وطالبات ان ضمیرفروشوں کے بہکاوے میں ہرگز نہیں آئیں گے۔ ایک بیان میں ڈاکٹر ندیم احسان نے کہاکہ اے پی ایم ایس او کے تمام طلباوطالبات کارکنان تمام ترمصائب ومشکلات کے باوجود آج بھی ثابت قدمی کے ساتھ بانی وقائد جناب الطاف حسین کے ساتھ ہیں اور حالات کا جبر بھی ان کے پایہ استقلال میں لغزش پیدا نہیں کرسکا اورپوری مہاجرقوم اے پی ایم ایس او کے پرعزم اور وفادار کارکنان کو خراج تحسین پیش کرتی ہے ۔انہوں نے کہاکہ اے پی ایم ایس او کی مرکزی کمیٹی کے ارکان اور تمام کارکنان کی جانب سے واضح اعلان کیاجاچکا ہے کہ ان کی وفاداری صرف اور صرف قائد تحریک جناب الطاف حسین سے وابستہ ہے اور وہ قائد تحریک جناب الطاف حسین کے بغیرکسی بھی تنظیم کو قبول نہیں کریں گے ۔ انہوں نے کہاکہ اے پی ایم ایس او کے کارکنان کی جانب سے ضمیرفروشوں کی قیادت تسلیم نہ کرنے کے اعلان کے بعد گزشتہ روز پی آئی بی کالونی میں ضمیرفروش عناصر کی جانب سے نوجوان کونسلرز کااجلاس بلاکرانہیں طلباء کارکنان ظاہرکرنا اور اے پی ایم ایس او کی تنظیم نو کا اعلان کرنا نہ صرف گمراہ کن ہے بلکہ انتہائی مضحکہ خیز بھی ہے ۔ ڈاکٹر ندیم احسان نے کہاکہ جو عناصر اپنے گھناؤنے عزائم کی تکمیل کیلئے مہاجرقوم کو دھوکہ دے رہے ہیں وہ مہاجرقوم کے کھلے دشمن ہیں اورمہاجرقوم بالخصوص مہاجرطلباء وطالبات ان ضمیرفروشوں کے بہکاوے میں ہرگز نہیں آئیں گے۔

*****

7/23/2021 11:55:50 PM

ایم کیوایم شعبہ خواتین کی سینئر رکن محترمہ سنجیدہ توصیف کے شوہر سیدت... 22 Jul 2021	'' ایک پاکستان ، ایک قوم '' کے نعرے جھوٹ، فریب ، مکر اور دھوکہ ہیں۔ال... 21 Jul 2021
ایم کیوایم ڈربن چیپٹر کے انچارج رضی بھائی کی علالت پر قائد تحریک الطاف... 20 Jul 2021	ایم کیوایم کے کارکنان سمیت پاکستان بھرکے عوام کوایم کیوایم کے قائدالط... 20 Jul 2021
ایم کیوایم پنجاب تحصیل حاصل پور کے سابق سینئر نائب صدر میاں اسلم کھر... 19 Jul 2021	برطانیہ ، امریکہ ،کینیڈا، جرمنی ، ساؤتھ افریقہ ، سعودی عرب اورخلیجی ر... 19 Jul 2021
شاہ فیصل سیکٹر کے کارکن خالد انصاری کی بھانجی صائمہ راشد کے انتقال پ... 17 Jul 2021	ایم کیوایم کے بزرگ ہمدرد جناب شاہ اسرارالحق سے کی اہلیہ کے انتقال پ... 16 Jul 2021
ایم کیوایم کے سینئر رکن اشرف نور کے تایا زاد بھائی ظہورمجید کے انتقال... 15 Jul 2021	ایم کیوایم پنجاب تحصیل حاصل پور کے سابق سینئر نائب صدر میاں اسلم کھرل... 14 Jul 2021