جناب الطاف حسین کی درازی عمر ، صحت و تندرستی اور ناگہانی آفات سے بچاؤ کیلئے دعائیہ اجتماعات کا سلسلہ جاری ہے

کراچی ۔۔۔یکم ، فروری 2016ء 

متحدہ قومی موومنٹ کے زیراہتمام بانی و قائد تحریک جناب الطاف حسین کی درازی عمر ، صحت و تندرستی اور ناگہانی آفات سے بچاؤ کیلئے دعائیہ اجتماعات کا سلسلہ جاری ہے ۔ اس سلسلے میں ایم کیوایم لیبر ڈویژن کے تحت پیر کے روز لال قلعہ گراؤنڈ عزیز آباد میں بہت بڑا اجتماع منعقد ہوا جس میں جناب الطاف حسین کی صحت و تندرستی اور ناگہانی آفات سے بچاؤ کیلئے قرآن خوانی و فاتحہ خوانی کی گئی ۔ اجتماع میں ایم کیوایم کی رابطہ کمیٹی کے ڈپٹی کنوینر کیف الواریٰ ، رابطہ کمیٹی کے اراکین عبد الحسیب ، اقبال مقدم ، عارف خان ، محمد حسین ، مطیع الرحمن ، زاہد منصوری ، محترمہ ذرین مجید، ارشد حسن ، عبد القادر خانزادہ ، عاد ل خان ، اسلم آفریدی ، حق پرست اراکین قومی وصوبائی اسمبلی ، بلدیاتی انتخابات میں منتخب حق پرست چیئرمین ، وائس چیئرمین اور کونسلروں سمیت ایم کیوایم لیبر ڈویژن کے سرکاری و نیم سرکاری اداروں کے ذمہ داران، کارکنان اور ہمدردوں نے ہزاروں کی تعداد میں شرکت کی ۔ بعدازاں حق پرست سینیٹر مولانا تنویرا لحق تھانوی نے اجتماعی دعا کرائی جس میں حق پرست شہداء کے بلند درجات ، لواحقین کیلئے صبر جمیل ، اسیر کارکنان کی جلد رہائی و بلند حوصلے ، حق پرستانہ جدوجہد کی کامیابی ، ایم کیوایم اور جناب الطاف حسین کے خلاف سازشوں کے خاتمے اور جناب الطاف حسین کی درازی عمر ، صحت وتندرستی اورناگہانی آفات سے بچاؤ کیلئے خصوصی دعا کی گئی۔