خالدشمیم اورمحسن نامی افراد کاایم کیوایم سے کوئی تعلق نہیں۔رابطہ کمیٹی متحدہ قومی موومنٹ

کراچی ۔۔۔ 18 جون 2015ء

متحدہ قومی موومنٹ کی رابطہ کمیٹی نے آج میڈیامیں آنے والی ان خبروں کی جن میں خالدشمیم اورمحسن نامی دوافرادکی گرفتاری ظاہر کی گئی ہے ،وضاحت کرتے ہوئے کہاہے کہ ان دونوں افرادکاایم کیوایم سے کوئی تعلق نہیں ہے۔ اپنے ایک وضاحتی بیان میں رابطہ کمیٹی نے کہا کہ ان دوافرادکی آج گرفتاری کے دعوے میں کتنی صداقت ہوسکتی ہے اس کااندازہ اس بات سے لگایاجاسکتاہے کہ ان دونوں افراد کے بارے میں گزشتہ چار سالوں سے یہی دعویٰ کیاجاتارہاکہ انہیں گرفتارکیاجاچکاہے اوروہ کسی ادارے کی تحویل میں ہیں لیکن ان کی گرفتاری آج ظاہر کی گئی ہے ۔ رابطہ کمیٹی نے کہاکہ اس بات سے قطع نظرکہ یہ افرادکون ہیں، کب پکڑے گئے ، کہاں پکڑے گئے اورکس کی تحویل میں تھے،ہمارامؤقف یہ ہے کہ ان افرادکاایم کیوایم سے کوئی تعلق نہیں ہے۔
English