لاہور کے علاقے شاد باغ میں شادی ہال کے دیوار گرنے سے دلہن سمیت
متعدد افراد کے ہلاک و زخمی ہونے پر جناب الطاف حسین کا اظہار افسوس
حادثے کے نتیجے میں زخمی ہونے والوں کو فوری طبی امداد فراہم کی جائے ، الطاف حسین
حادثے میں ہلاک ہونے والی دلہن سمیت ت تمام افراد کے لواحقین کو فی الفور معاوضہ دیا جائے ، الطاف حسین کا حکومت پنجاب سے مطالبہ
لندن:14؍ جنوری 2015ء
متحدہ قومی موومنٹ کے قائدجناب الطاف حسین نے لاہور شاد باغ میں شادی ہال کی دیوار گرنے سے دلہن سمیت متعدد افراد کے ہلاک و زخمی ہونے پر افسوس کا اظہار کیا ۔ ایک بیان میں جناب الطاف حسین نے کہا کہ ناگہانی حادثے کے نتیجے میں دلہن سمیت متعدد افراد کے جاں بحق ہونے پر مجھ سمیت ایم کیو ایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ حادثے کے نتیجے میں ہلاک ہونے والوں کی مغفرت ، زخمیوں کو جلد و مکمل صحتیابی عطا کرے اور سوگواران کو یہ صدمہ برداشت کرنے کی توفیق عطا فرمائے (آمین)۔علاوہ ازیں جناب الطاف حسین نے پنجاب کے وزیراعلیٰ شہبازشریف اورلاہور کے انتظامیہ سے درخواست کی ہے کہ لاہو ر کے علاقے شاد باغ میں شادی ہال کے دیوار گرنے کے نتیجے میں جاں بحق ہونے والی دلہن سمیت تمام افراد کے لواحقین کو فی الفور معاوضہ ادا کیا جائے اور زخمیوں کی جلد و مکمل صحتیابی کیلئے فوری طبی امداد فراہم کی جائے ۔
English Viewers