ایم کیوایم اوورسیزکینیڈا کی تنظیم نو، مسعود حسن سینٹرل آرگنائزر اوراقبال بہادر جوائنٹ سینٹرل آرگنائزرہوںگے

ایم کیوایم اوورسیزکینیڈا کی تنظیم نوکردی گئی ہے جس کے مطابق تحریک کے سینئر کارکن اورکینیڈا کے جوائنٹ سینٹرل آرگنائزر مسعود حسن کو کینیڈا کاسینٹرل آرگنائزر اوراقبال بہادر کوجوائنٹ سینٹرل آرگنائزر مقرر کیاگیاہے جبکہ تحریک کے سینئر کارکن محمدایوب خان کو فائنانس سیکریٹری برقراررکھاگیاہے ۔رابطہ کمیٹی کے اس فیصلے کااعلان ایم کیو ایم کے کنوینر طارق جاوید نے ایم کیوایم کینیڈاکے جنرل ورکرزاجلاس میں کیا۔ رابطہ کمیٹی کے فیصلے کے مطابق شکیل اعظم ، سید محمد ذکی ، شبیرہاشمی ، اطہرعلی اورمعیزمحسن کینیڈا کی نئی سینٹرل آرگنائزنگ کمیٹی کے ارکان ہوںگے۔ ایم کیو ایم کے قائدجناب الطاف حسین نے رابطہ کمیٹی کے فیصلے کی توثیق کردی ہے۔ اجلاس سے خطاب کرتے ہوئے کنوینر طارق جاوید نے کہاکہ ایم کیوایم اوورسیز یونٹوں کے کارکنان آزمائش کے اس دور میں تمام تر مصائب اور مشکلات کے باوجود تحریک کے کام کوجس طرح جاری رکھے ہوئے ہیں وہ قابل تحسین ہے ، قائدتحریک الطاف حسین کو اپنے سچے وفاپرست اورپرعزم کارکنوںپر بہت ناز ہے ۔ طار ق جاوید نے ایم کیوایم کینیڈا کے آرگنائزر سمیت تمام ذمہ داروںاور سینٹرل آرگنائزنگ کمیٹی کوان کی ذمہ داریوں پر مبارکباد پیش کی اوران پر زوردیا کہ وہ آپس میں باہمی مشاورت اورکوآرڈی نیشن کے ذریعے کینیڈامیں تحریک کے کام کومزید منظم کریںاوراسے مزید بہتربنانے کے لئے اپنی صلاحیتوں کوبروئے کار لائیں۔ جنرل ورکرزاجلاس میں ایم کیوایم کی رابطہ کمیٹی کے ارکان قاسم علی رضا، مصطفےٰ عزیزآبادی، ارشد حسین، سفیان یوسف ، منظوراحمد، سابق کنوینر ڈاکٹرندیم احسان، سینٹرل ایگزیکٹوکمیٹی کے ارکان شاہد مصطفےٰ، شاہد رضااورآصف قاضی بھی شریک تھے۔ 

٭٭٭٭٭