وجیہہ احمد ، خالداجمیری ، شیخ جاوید اورامام الدین شہزاد کو سینٹرل ایگزیکٹو کمیٹی میں شامل کرلیاگیا

لندن۔۔۔یکم جولائی2026ئ

ایم کیوایم کی رابطہ کمیٹی نے ایم کیوایم کے چارسینئراراکین کو سینٹرل ایگزیکٹو کمیٹی میںشامل کرنے کا فیصلہ کیاہے ۔ یہ فیصلہ رابطہ کمیٹی کے اجلاس میں کیاگیا،بانی وقائد جناب الطا ف حسین نے رابطہ کمیٹی کے اس فیصلے کی توثیق کردی ہے ۔

ایم کیوایم انٹرنیشنل سیکریٹریٹ لندن سے جاری ہونے والے اعلامیے کے مطابق ایم کیوایم کے چار سینئراراکین برطانیہ سے وجیہہ احمد ، آسٹریلیا سے خالداجمیری، ساؤتھ افریقہ سے شیخ جاوید اور امریکہ سے امام الدین شہزاد کو سینٹرل ایگزیکٹو کمیٹی (CEC)میں شامل کیاگیا ہے ۔ اراکین کے اضافے کے بعد سینٹرل ایگزیکٹو کمیٹی (CEC) کے ارکان کی تعداداب سات ہوگئی ہے ۔