سانحہ 30، ستمبرحیدرآباد اور یکم اکتوبر کراچی ناقابل فراموش ہے، قائدتحریک الطاف حسین
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ30 ستمبراوریکم اکتوبر کے شہداء کی 37ویں برسی کے موقع پر بیان
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سانحہ 30ستمبر حیدرآباد اور سانحہ یکم اکتوبرکراچی ناقابل فراموش ہیں اورسانحہ 30 ستمبرحیدرآباد کے شہداء کی قربانیاں ہمیشہ یاد رکھی جائیں گی۔ کل سانحہ 30ستمبر حیدرآباداورسانحہ یکم اکتوبرکراچی 1988ء کے شہدا ء کی 37ویں برسی ہے۔ 30ستمبر1988ء کوفوج اور آئی ایس آئی نے حیدرآباد اورکراچی میں قتل وغارتگری کامنصوبہ بنایا جس کے تحت کئی گاڑیوں میں سوار مسلح دہشت گردوں کے ذریعے حیدرآباد کے مختلف علاقوں بے گناہ مہاجروں پر اندھادھند فائرنگ کروائی گئی اور ڈھائی سو سے زائد مہاجربزرگ، خواتین، نوجوانوں اور بچوں کو خاک وخون میں نہلادیا گیاجبکہ سینکڑوں شہریوں کو شدید زخمی کردیاگیا۔دوسرے دن یکم اکتوبر1988ء کوفوجی اسٹیبلشمنٹ اپنے زرخریددہشت گردوں کے ذریعے کراچی میں بے گناہ سندھیوں پر حملے کرائے تاکہ صوبے کو لسانی فسادات کی آگ میں جھونکا جاسکے اور سندھ کے مستقل باشندوں میں غلط فہمیاں پیدا کرکے انہیں آپس میں لڑایاجاسکے۔ستم بالائے ستم یہ کہ سینکڑوں معصوم وبے گناہ انسانوں کے قتل عام میں ملوث سفاک قاتلوں کو قانون کے مطابق سزا دینے کے بجائے عدالت کی جانب سے بری کردیاگیا اوربے گناہ شہریوں کے قاتل آج تک قانون کی گرفت سے محفوظ ہیں۔
میں سانحہ 30 ستمبراور یکم اکتوبر کے شہدا ء کو خراج عقیدت پیش کرتا ہوں اورشہداء کے لواحقین کو یقین دلاتا ہوں کہ معصوم وبے گناہ شہیدوں کا لہو ہرگز رائیگاں نہیں جائے گا اورسندھ کے مستقل باشندوں کو آپس میں لڑانے کی سازش کبھی کامیاب نہیں ہوگی۔میری دعاکی کہ اللہ تعالی تحریک کے تمام شہداء کے درجات بلند فرمائے، شہیدوں کوجنت الفردوس میں جگہ دے اورتمام لواحقین کو یہ صدمہ برداشت کرنے کا حوصلہ عطا فرمائے۔(آمین)
پاکستان سمیت دنیا بھرمیں مقیم وفاپرست کارکنان کوہدایت کرتا ہوں کہ تحریک کے شہداء کی لازوال قربانیاں ہمیشہ یاد رکھیں ،سانحہ 30 ستمبرحیدرآباد اور سانحہ یکم اکتوبر کراچی کے شہداء کے ایصال ثواب کیلئے قرآن خوانی وفاتحہ خوانی کے اجتماعات منعقد کریں۔
الطاف حسین