ایم کیوایم کی رابطہ کمیٹی کے کنوینر مصطفےٰ عزیزآبادی نے ایم کیوایم کے لاپتہ رہنماؤں نثارپنہور اورانورخان ترین کی جبری گمشدگی کے بارے میں انسانی حقوق کمیشن آف پاکستان کے مرکزی ذمہ داران سے رابطہ کیااورانہیں نثارپنہور اورانورترین کی جبری گمشدگی کے حوالے سے تفصیلات سے آگاہ کیا اوربتایا کہ نثارپہنور اورانورترین کولاپتہ کئے سات روز ہوچکے ہیں اوراب تک انہیں کسی بھی عدالت میں پیش نہیں کیا گیااورنہ ہی ان کے اہل خانہ کوان کے بارے میں کچھ بتایا گیا ہے جس کی وجہ سے ان کے اہل خانہ بہت پریشان ہیں۔ مصطفےٰ عزیزآبادی نے ان سے درخواست کی کہ نثارپہنور اور انورترین کولاپتہ کیا جانا سراسرانسانی حقو ق کامعاملہ ہے لہٰذا ہیومن رائٹس کمیشن اس سلسلے میں اپنے پلیٹ فارم سے آوازاٹھائے ۔
کنوینرمصطفےٰ عزیزآبادی نے نثارپہنورکے صاحبزادے محسن پہنورانورترین کی اہلیہ اورصاحبزادی سے بھی رابطہ کیااورانہیں نثارپنہور اورانورخان ترین کی بازیابی کے سلسلے میں قائد تحریک جناب الطاف حسین اورایم کیوایم کی رابطہ کمیٹی کی جانب سے کی جانے والی کاوشوں سے آگاہ کیااورانہیں یقین دلایا کہ ایم کیوایم کی رابطہ کمیٹی اوردیگرذمہ داران بانی وقائد جناب الطاف حسین کی ہدایت پر نثارپہنوراورانورترین سمیت تمام لاپتہ ساتھیوں کی بازیابی کے لئے ہرممکن کوششیں جاری رکھے گی۔ اہل خانہ نے ایم کیوایم کی کوششوں پراپنے اطمینان کااظہارکیا۔