میں فیلڈ مارشل عاصم منیر سے اپیل کرتا ہوں کہ وہ ایم کیوایم کے رہنماؤں نثارپنہور اورانورخان ترین کی جبری گمشدگی کانوٹس لیں اوران کی بازیابی کےلئے فوری اقدامات کریں۔

Posted on: 9/21/2025

میں فیلڈ مارشل عاصم منیر سے اپیل کرتا ہوں کہ وہ ایم کیوایم کے رہنماؤں نثارپنہور اورانورخان ترین کی جبری گمشدگی کانوٹس لیں اوران کی بازیابی کےلئے فوری اقدامات کریں۔ #ReleaseMQMLeadersNOW #ReleaseNisarPanhwar #ReleaseAnwerKhanTareen نثار پنہور کو اس سے پہلے بھی تین مرتبہ گرفتار کیاگیاتھااوراب چوتھی مرتبہ اغوا کرکے لاپتہ کیا گیا ہے جبکہ انورترین کوبھی اس سے پہلے لاپتہ رکھاگیا تھااوراب پھر انورترین اورنثارپنہور کو''نامعلوم افراد'' نے ایک پروگرام میں جاتے ہوئے راستےسے اغوا کرلیا۔اس سے پہلے بھی فوج اورآئی ایس آئی نے ایم کیوایم کے کئی کارکنوں کوحراست میں لیکرلاپتہ کیاہے اوراب ان نثارپہنور اور انورترین کولاپتہ کردیا ہے۔ انہیں اب تک کسی عدالت میں پیش نہیں کیاگیااورنہ انہیں ان کےگھروالوں کوکچھ بتایا گیا ہے کہ انہیں کیوں اٹھایاگیا۔ اب تک ان دونوں کا کچھ پتہ نہیں ہےکہ وہ کہاں ہیں اورکس حال میں ہیں۔ آخر ان کا کیا قصور ہے؟ ان دونوں نےکونسا قانون توڑا؟ کونسی دہشت گردی کی ہے؟ انہیں کیوں اغوا کیاگیا؟ ہمارے وکلاء نے نثارپہنوراورانورترین کی جبری گمشدگی کے خلاف سندھ ہائیکورٹ میں پٹیشن دائر کی اورعدالت سے استدعاکی کہ ان کی فوری بازیابی کے لئے احکامات جاری کئےجائیں لیکن سندھ ہائیکورٹ کے ججوں نے بھی اس پٹیشن کی سماعت کے لئے ایک لمبی تاریخ دیتے ہوئے 22 اکتوبر کی تاریخ مقررکی ہے۔میں سندھ ہائیکورٹ کے جج صاحبان سے پوچھتاہوں کہ اگر نثارپنہور اور انورترین خان کی جگہ آپ کے بچوں کولاپتہ کیا گیا ہوتا توآپ کے دلوں پر کیا گزرتی؟ کسی شہری کی زندگی خطرے میں ہوتواس کی بازیابی کےلئے فریاد کی سماعت ایک ماہ بعد کرنا کیا انصاف ہے؟ انصاف میں تاخیر انصاف سے انکار ہے، انصاف کے اصولوں کے سراسر خلاف ہے۔ جنہوں نے انصاف کی دھجیاں اڑائی ہیں ان اوران کی اولادوں کے سامنے یہ ضرور آئےگا۔ اگرانصاف سے انکار کرنے کایہ عمل ججو ں نے نامعلوم افراد کے دباؤپر کیا ہے تو انہیں چاہیےکہ اگروہ انصاف نہیں کرسکتے تواستعفیٰ دیدیں۔ بہتر ہے کہ وہ انصاف کریں اورعوام کی بدعائیں نہ لیں۔ نثارپنہور اورانورترین کے اہل خانہ کی فریاد سنیں۔ الطاف حسین فکری نشست 318 سے خطاب 19ستمبر 2025

9/25/2025 12:30:53 AM

نثارپنہور اورانورخان ترین کی جبری گمشدگی کے بارے میں انسانی حقوق کمیشن... 22 Sep 2025	سعودی عرب اور پاکستان کے درمیان ہونے والے معاہدے کوپاکستان کے عوام کے ... 22 Sep 2025
یہ بہت بڑا المیہ ہے کہ اسلام آباد ہائیکورٹ کے وہ ججز جنہوں نے انصاف ک... 21 Sep 2025	یہ بہت بڑا المیہ ہے کہ اسلام آباد ہائیکورٹ کے وہ ججز جنہوں نے انصاف ک... 21 Sep 2025
یہ بہت بڑا المیہ ہے کہ اسلام آباد ہائیکورٹ کے وہ ججز جنہوں نے انصاف ک... 21 Sep 2025	ملک میں سیلاب کے نتیجے میں تباہی کی ذمہ دار قدرتی آفت نہیں اقتدارمافی... 30 Aug 2025
الطاف حسین ملک کے خلاف نہیں سسٹم کے خلاف ہے، پنجاب کے وفاپرست ساتھی ... 25 Aug 2025	پاکستان میں ڈیموکریسی نہیں بلکہ فیوڈوکریسی کاراج ہے ... 25 Aug 2025
چاہے جتنی بھی جعلی ایم کیوایم بنالی جائیں،دنیاجانتی ہے کہ ایم کیوایم ک... 23 Aug 2025	طوفانی بارشوں میں کراچی کےشہریوں کی ہی نہیں بلکہ سندھ کی نسل پرست حکو... 20 Aug 2025