بین الاقوامی تحقیقاتی ادارے کے ذریعہ سانحہ احمد پورشرقیہ کی تحقیقات کرائی جائے ، قاسم علی رضا
پاکستان کی عدلیہ نے سینکڑوں افراد کے ہلاک وزخمی ہونے پر کوئی ایکشن نہیں لیا، قاسم علی رضا
احمد پورشرقیہ کے سانحے کے بعد مختلف شہروں میں بھی آئل ٹینکرز الٹنے کے متعدد واقعات سامنے آچکے ہیں، قاسم علی رضا
متحدہ قوی موومنٹ( پاکستان) کی رابطہ کمیٹی کے رکن سید قاسم علی رضا نے مطالبہ کیا ہے کہ بین الاقوامی تحقیقاتی ادارے کے ذریعہ سانحہ احمد پورشرقیہ کی تحقیقات کرائی جائے ۔ ایک بیان میں قاسم علی رضا نے کہاکہ پاکستان کی عدلیہ نے سانحہ احمد پورشرقیہ کے المناک واقعات میں سینکڑوں افراد کے ہلاک وزخمی ہونے پر کوئی ایکشن لیا اورنہ اسٹیبلشمنٹ کی غلامی کرنے والی عدلیہ کوئی ایکشن لے گی ۔ انہوں نے کہاکہ احمد پورشرقیہ کے المناک سانحے کے بعد ملک کے مختلف شہروں میں بھی آئل ٹینکرز الٹنے کے متعدد واقعات سامنے آچکے ہیں جنہیں محض حسن اتفاق قراردیکرنظرانداز نہیں کیاجاسکتالہٰذا سانحہ احمد پورشرقیہ کے پس پردہ سازش کو بے نقاب کرنے کیلئے ضروری ہے کہ اس سانحہ کی تحقیقات بین الاقوامی تحقیقاتی ادارے کے ذریعہ کرائی جائے تاکہ عوام کو اصل حقائق سے آگاہ کیاجاسکے۔
*****