مہاجروں کے ماورائے عدالت قتل پر، پرامن احتجاج کرنا کراچی کے عوام کا آئینی اور جمہوری حق ہے، رابطہ کمیٹی ، ایم کیوایم

Posted on: 9/11/2015

مہاجروں کے ماورائے عدالت قتل پر، پرامن احتجاج کرنا کراچی کے عوام کا آئینی اور جمہوری حق ہے، رابطہ کمیٹی ، ایم کیوایم
ریاستی طاقت کا استعمال کرکے حق پرست عوام کو ان کے جائز حق سے محروم نہیں کیاجاسکتا، رابطہ کمیٹی
کراچی میں بے گناہ کارکنان کے ماورائے عدالت قتل کے المناک واقعات ’’ اچھی خبریں‘‘ قابل مذمت ہے ، رابطہ کمیٹی
مسلم لیگی رہنماؤں کو ایسی المناک صورتحال کا سامنا کرنا پڑے تو پھر انہیں احساس ہوگا کہ بے گناہ انسانوں
کا خون ناحق اچھی خبرہوتا ہے یا نہیں، رابطہ کمیٹی
سینیٹر پرویز رشیدمہاجردشمنی اور انسانیت دشمنی میں اتنے آگے نہ بڑھیں کہ واپسی کاراستہ مشکل ہوجائے، رابطہ کمیٹی
وفاقی وزیراطلاعات سینیٹر پرویز رشید کے بیان پر ایم کیوایم رابطہ کمیٹی کا تبصرہ

ایم کیوایم کی رابطہ کمیٹی نے وفاقی وزیراطلاعات ونشریات سینیٹر پرویز رشید کے بیان پر تبصرہ کرتے ہوئے کہاہے کہ بے گناہ مہاجروں کے ماورائے عدالت قتل پر ،پرامن احتجاج کرنا کراچی کے عوام کا آئینی ، قانونی اور جمہوری حق ہے اور ریاستی طاقت کا استعمال کرکے حق پرست عوام کو ان کے جائز حق سے محروم نہیں کیاجاسکتا۔ ایک بیان میں رابطہ کمیٹی نے کہاکہ ایک جانب سینیٹر پرویز رشید ایم کیوایم کے بے گناہ کارکنان کے ماورائے عدالت قتل کے المناک واقعات پرفرمارہے ہیں کہ اب کراچی سے’’ اچھی خبریں‘‘ آرہی ہیں جبکہ دوسری جانب ماورائے عدالت قتل کے خلاف پرامن احتجاج کرنے پر کراچی کے عوام کو دھمکیاں بھی دی جارہی ہیں جس کی جتنی بھی مذمت کی جائے کم ہے ۔ رابطہ کمیٹی نے کہاکہ بے گناہ شہریوں کی غیرقانونی گرفتاریوں، غیرقانونی حراست میں انہیں بہیمانہ تشدد کا نشانہ بنانے ،گرفتارشدگان کو لاپتہ کرنے ،پھر جعلی مقابلوں میں ماورائے عدالت قتل کرنے اوررینجرز کی جانب سے مہاجروں کے بنیادی انسانی حقوق کی سنگین خلاف ورزیوں کے واقعات پر، پرامن احتجاج کرنا ہرسیاسی جماعت اور حق پرست عوام کا آئینی ، قانونی ،جمہوری اور بنیادی حق ہے ۔ کوئی طاقت حق پرست عوام کو اس جائز حق کے استعمال سے نہیں روک سکتی ۔ رابطہ کمیٹی نے کہاکہ اگر خدانخواستہ کراچی سے ’’اچھی خبریں ‘‘ آنے کی بات کرنے والوں کے پیاروں کو ماورائے عدالت قتل کردیا جائے اور خدانہ کرے کہ مسلم لیگی رہنماؤں کو ایسی المناک صورتحال کا سامنا کرنا پڑے تو پھر انہیں احساس ہوگا کہ بے گناہ انسانوں کا خون ناحق اچھی خبرہوتا ہے یا نہیں۔ رابطہ کمیٹی نے سینیٹر پرویز رشید کو مشورہ دیا کہ وہ مہاجردشمنی اور انسانیت دشمنی میں اتنے آگے نہ بڑھیں کہ واپسی کاراستہ مشکل ہوجائے اور جن ماورائے عدالت قتل کے واقعات کو وہ ’’اچھی خبریں‘‘ قراردے رہے ہیں کہیں خدانخواستہ مسلم لیگ (نوازگروپ) کے رہنماؤں کو بھی ان کا سامنا نہ کرنا پڑجائے۔

*****

10/22/2025 9:58:47 AM

Happydiwali2025 ... 20 Oct 2025	Altaf Hussain calls for permanent ceasefire with Afghanistan: ... 16 Oct 2025
Make good bilateral ties with Afghanistan rather than becoming deadlie... 16 Oct 2025	Altaf condemns impediments in KP CM election; calls It “Injustice to P... 14 Oct 2025
Creating impediments in the election of the KP CM through undemocrati... 13 Oct 2025	Late Aftab Ud Din Baqai will remain immortal in the history of the MQM... 11 Oct 2025
Can 250 million people of Pakistan accept Trump’s peace plan which is ... 04 Oct 2025	Decree awarding clerics, religious scholars of Pakistan should remove ... 03 Oct 2025
The Prime Minister of Pakistan! How come you accepted a 20-point peace... 02 Oct 2025	Why the Palestinian representative not taken on board in the 20-point ... 02 Oct 2025