کراچی الیکٹرک میں اردوبولنے والے کراچی کے باصلاحیت نوجوانوں کوبھرتیوں میں نظرانداز کر نے پرحق پرست نمائندوں کااظہار تشویش

کراچی:۔۔۔20ستمبر2014ء

متحدہ قومی موومنٹ کے حق پرست اراکین سندھ اسمبلی نے کراچی الیکٹرک کی انتظامیہ کی جانب سے بھرتیوں میں اردوبولنے والے کراچی کے باصلاحیت نوجوانوں کونظرانداز کر نے پرگہری تشویش کا اظہارکرتے ہوئے اوراسے کراچی کے ساتھ متعصبانہ طرزعمل کاحصہ قراردیاہے۔ایک بیان میں حق پرست اراکین سندھ اسمبلی نے کہاکہ (K-Electric) کراچی الیکٹرک کراچی میں بجلی کی فراہمی کاادارہ ہے جس پرکراچی کے نوجوانوں کاحق ہے تاہم کراچی الیکٹرک کی متعصب انتظامیہ کراچی کے اردوبولنے والے باصلاحیت نوجوانوں کاحق مارکرنہ صرف انہیں ملازمتوں سے محروم کررہی ہے بلکہ محض سفارشی بیرون شہرسے لوگوں کوبھرتی کررہی ہے،جس کے باعث کراچی کے نوجوانوں میں شدیدمایوسی اورغم وغصہ پایا جارہا ہے۔ اراکین سندھ اسمبلی نے کہاکہ کراچی کے اداروں میں پسنداورناپسند کی بنیادپرکراچی کے اردوبولنے والے نوجوان شہریوں کے ساتھ متعصبانہ سلوک بند کیا جائے اور نوجوانوں میں بڑھتی ہوئی مایوسیوں کافی الفورخاتمہ کیاجائے ۔حق پرست اراکین سندھ اسمبلی نے گورنرسندھ ڈاکٹرعشرت العباداوروزیراعلیٰ سندھ سیدقائم علی شاہ سے مطالبہ کیاکہ کراچی الیکٹرک(K-Electric)میں بھرتیوں میں کراچی کے اردوبولنے والے نوجوانوں کونظراندازکرنے کانوٹس لیاجائے اورکراچی الیکٹرک کی متعصب انتظامیہ کوکراچی دشمنی سے بازرکھاجائے۔