کراچی سمیت ملک بھر کے مخیر و صاحب استطاعت افراد شمالی وزیرستان کے آئی ڈی پیز کی بھر پور امداد کریں، الطاف حسین کی اپیل

لندن ۔۔۔3جولائی2014ء

متحدہ قومی موومنٹ کے قائد الطاف حسین نے کراچی پریس کلب میں تقریب سے خطاب کرتے ہوئے ایک مرتبہ پھر کراچی سمیت ملک بھر کے مخیر اور صاحب استطاعت حضرات سے اپیل کی کہ وہ شمالی وزیرستان میں جاری آپریشن ’’ضرب عضب ‘‘ کے دوران نقل مکانی کرنے والے آئی ڈی پیز کی امداد کیلئے ایک ہفتے کا راشن ، نقد امدادی رقم یا غذائی اجناس اور کپڑوں کی صورت میں امداد خدمت خلق فاؤنڈیشن کی جانب سے بنائے گئے امدادی کیمپس یا جہاں عوام سہولت سمجھیں جمع کر وادیں ۔