حق پرست ارکان اسمبلی کا کلفٹن میں ہزاروں سال پرانے قدیمی مندرکا دورہ
دورے کے موقع پر حق پرست ارکان اسمبلی نے مندرکےسامنےجاری انڈربائی پاس کےتعمیراتی کام سے مندر کوپہنچنے والے نقصانات کا جائزہ لیا
جناب الطاف حسین کےعوامی نمائندوں کی مندرآمد سےہمیں اورہندوبرادری کوحوصلہ ملا ہے ، مندر کمیٹی کلفٹن
کراچی ۔۔۔15اپریل 2014ء
متحدہ قومی موومنٹ کے رکن قومی اسمبلی سنجے پاروانی ارکان سندھ اسمبلی دیوان چند چاؤلہ اور اور،محترمہ سمیتاسید نے گذشتہ روز کلفٹن میں واقع ہزاروں سال پرانے اور قدیمی مندر کا دورہ کیا اور مندر کے سامنے انڈر بائی پاس کی تعمیر کے کام سے باعث مندر کو پہنچنے والے نقصانات کا جائزہ لیا ۔دورے کے موقع پر حق پرست ارکان اسمبلی کو کلفٹن منڈر کمیٹی کے صدر راجکمار اور نائب صدر ڈاکٹر راج اشوک نے بتایا کہ انڈر بائی پاس کی تعمیر کا کام جاری رہنے سے مندر کو بہت زیادہ نقصان پہنچے گا ۔ انہوں نے بتایا کہ ہائی کورٹ کے اسٹے کی وجہ سے فی الحال مندر کے سامنے انڈر بائی پاس کی تعمیر کا کام نہیں ہورہا ہے مگر ہمیں خدشہ ہے کہ کسی وقت بھی کام شروع کیا جاسکتا ہے ۔ حق پرست ارکان اسمبلی نے مندر کمیٹی کی گزارشات کو توجہ سے سنا اور اس سلسلے میں ہر ممکن تعاون کی یقین دہانی کرائی ۔اس موقع پر کلفٹن مندر کمیٹی کے عہدیدار ان نے حق پرست ارکان اسمبلی سے مندر کا دورہ کرنے پر دلی تشکر کا اظہار کرتے ہوئے کہا کہ جناب الطاف حسین کے عوامی نمائندوں کی آمد سے نہ صر ف ہمیں بلکہ ہندو برادری کو حوصلہ ملا ہے ۔