ہفتہ کوکراچی میں راشد منہاس روڈ پر تیزرفتارڈمپر کی ٹکر سے دوبہن بھائیوں کے جاں بحق اوران کے والد کے شدید زخمی ہونے کا واقعہ انتہائی افسوسناک اور دلخراش ہے ۔ میں اس سانحہ پر متاثرہ خاندان کے غم میں برابرکاشریک ہوں۔
کراچی میں خونی ڈمپرلوڈر، ٹینکرز ،ٹرالرز سے شہریوں کوکچلنے کے واقعات روز کامعمول بن چکے ہیں، اکثران اندوہناک حادثات کے ذمہ دار ڈرائیور موقع سے فرار ہوجاتے ہیں اوراگرشہریوں کے احتجاج پر کوئی ڈرائیور گرفتارہو بھی جائے تو کرپٹ پولیس اسے بعد میں پیسے لیکر چھوڑ دیتی ہے کیونکہ کراچی میں معصوم شہریوں کوکچلنے والی اس ڈمپرمافیا کوپیپلزپار ٹی کے رہنماؤں اور حکومت سندھ کی مکمل سرپرستی حاصل ہے ۔ نتیجہ یہ ہے کہ یہ ٹریفک حادثات رکنے کانام نہیں لیتے اورروزمعصوم شہریوں کی جانیں جارہی ہیں ۔
میں شہریوں سے کہوں گا کہ وہ ایسے ہرواقعہ پر صرف رونے صدمے اورافسوس کااظہارکرنے کے بجائے اس پربھرپور احتجاج کریں اورحکومت کومجبورکریں کہ وہ جاگے اوراس ڈمپرمافیا کی سرپرستی کرنے کے بجائے ان حادثات کی روک تھام کے لئے عملی اقدامات کرے۔
میں گزشتہ روز حادثے میں جاں بحق ہونے بہن بھائیوں کے غمزدہ لواحقین سے دلی ہمدردی اورتعزیت کا اظہارکرتاہوں اوردعاکرتاہوں کہ اللہ تعالیٰ جاں بحق ہونے والے بہن بھائیوں کوجنت الفردوس میں جگہ دے اورلواحقین کوصبرجمیل عطافرمائے۔
الطاف حسین
10 اگست 2025ئ