Home  Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

19جون ایم کیوایم کی تاریخ میں ایک سیاہ باب ہے جوکبھی بھی فراموش نہیں کیاجاسکے گا۔ندیم نصرت


19جون ایم کیوایم کی تاریخ میں ایک سیاہ باب ہے جوکبھی بھی فراموش نہیں کیاجاسکے گا۔ندیم نصرت
 Posted on: 6/20/2017
19جون ایم کیوایم کی تاریخ میں ایک سیاہ باب ہے جوکبھی بھی فراموش نہیں کیاجاسکے گا۔ندیم نصرت
19جون 1992ء کو اپنے نظریہ اور شہیدوں کے خون کاسوداکرنے والے حقیقی دہشت گردوں نے فوج کی سرپرستی میں شب خون مارا
حقیقی کاڈرامہ ناکام ہوگیاتو اسٹیبلشمنٹ نے ایک بارپھرایم کیوایم سے نکالے گئے افرادکوخریدکرپی ایس پی نامی ٹولہ تشکیل دیا۔ندیم نصرت
عوام نے پی ایس پی کو مسترد کردیا تو جن لوگوں کے ہاتھوں میں ایم کیوایم کی باگ ڈورتھی ان کے ذریعے پارٹی پر قبضہ کروالیا گیا
تحریک کے سچے اوروفادارکارکنوں نے اپنے ظرف وضمیر کا سودانہیں کیا ،وہ آج بھی مشن ومقصد کیلئے جدوجہد جاری رکھے ہوئے ہیں
19 جون 1992ء کے شہداء کی 25ویں برسی کے موقع پر ایم کیوایم انٹرنیشنل سیکریٹریٹ میں اظہارخیال

ایم کیوایم کے کنوینرندیم نصرت نے کہاہے کہ19جون ایم کیوایم کی تاریخ میں ایک سیاہ باب ہے جوکبھی بھی فراموش نہیں کیاجاسکے گا۔ انہوں نے یہ بات گزشتہ روز 19 جون 1992ء کے شہداء کی 25ویں برسی کے موقع پر لندن میں ایم کیوایم انٹرنیشنل سیکریٹریٹ میں قرآن خوانی کے موقع پر اظہارخیال کرتے ہوئے کہی۔ قرآن خوانی میں ایم کیوایم کی رابطہ کمیٹی کے ارکان، ایم کیوایم یوکے کے ذمہ داران ، کارکنان ، شعبہ خواتین کی ارکان اوردیگر افرادنے اپنے اہل خانہ کے ساتھ شرکت کی ۔ ندیم نصرت نے 19جون 1992ء کوایم کیوایم کے خلاف شروع ہونے والے آپریشن اوراس دوران پیش آنے والے واقعات پرروشنی ڈالتے ہوئے کہاکہ 1992ء میں قوم کوبتایاگیاکہ ڈا کوؤں، اغوا برائے تاوان کی وارداتیں کرنے والے پتھاریداروں کے خلاف آپریشن کیاجائے گالیکن ان کے خلاف کارروائی کرنے کے بجائے اس کی آڑمیں ایم کیوایم کے خلاف ریاستی آپریشن شروع کیاگیا، اس کیلئے ایم کیوایم کی صفوں سے نکالے گئے جرائم پیشہ عناصر کوجمع کرکے سرکاری ایجنسیوں نے حقیقی گروپ تشکیل دیا۔ 19جون 1992ء وہ سیاہ دن ہے جب سرکاری ایجنسیوں کے ہاتھوں اپنے نظریہ اورقوم کے شہیدوں کے خون کاسوداکرنے والے حقیقی دہشت گردوں نے فوج کی سرپرستی میں کراچی پرشب خون مارا اور فوج کے ساتھ ملکر ایم کیوایم کے درجنوں کارکنوں کوشہیدکردیا، ایم کیوایم کے دفاترپرقبضہ کیا،ایم کیوایم کے کارکنوں کواغواکرکے تشدد کے ذریعے ان کی وفاداریاں تبدیل کرائی گئیں،اورفوج کی سرپرستی میں دہشت گردی اورظلم وبربریت کاایساسلسلہ شروع کیاجو آج کے دن تک جاری ہے ۔ ندیم نصرت نے کہاکہ جب حقیقی کاڈرامہ ناکام ہوگیاتو ایم کیوایم کوکچلنے کے لئے اسٹیبلشمنٹ نے ایک بارپھرایم کیوایم سے نکالے گئے افرادکوخریدکرپی ایس پی نامی ٹولہ تشکیل دیاجن کے ذریعے نہ صرف ایم کیوایم کی قیادت کونشانہ بنایاگیابلکہ یہ کہلوایاجارہاہے کہ مہاجرسیاست کی بات کرنازہرقاتل ہے ، ایم کیوایم کے کارکنوں کوگرفتارکرکرکے سرکاری ٹارچرسیلوں میں تشددکرکے انہیں پی ایس پی میں شامل ہونے پر مجبورکیاجارہاہے۔تمام ترسرکاری سرپرستی کے باوجود عوام نے پی ایس پی کو مسترد کردیا تو22 اگست 2016ء کو ایک بارپھروہی سازش کی گئی اورجن لوگوں کے ہاتھوں میں ایم کیوایم کی باگ ڈورتھی ان کے ذریعے پارٹی پر قبضہ کروالیا گیا اورپارٹی کے ارکان اسمبلی اورذمہ داروں کوقائدتحریک الطاف حسین سے لاتعلقی اختیارکرنے پر مجبورکیاگیا ۔اس سارے عمل کے پیچھے بھی اسٹیبلشمنٹ ہے ۔ندیم نصرت نے کہاکہ ایم کیوایم کو کچلنے کیلئے 19جون 1992ء کوشروع کئے جانے والے ریاستی آپریشن میں اب تک ہزاروں کارکنوں کوبیدردی سے شہید کیاجاچکاہے لیکن تحریک کے سچے اوروفادارکارکنوں نے اپنے ظرف وضمیر کا سودانہیں کیا اور وہ آج بھی تحریک کے مشن ومقصدکی کامیابی کے لئے جدوجہد جاری رکھے ہوئے ہیں۔ انہوں نے مزیدکہاکہ ہمارے شہیدوں کی قربانیاں رائیگاں نہیں جائیں گی اورشہیدوں کے مقدس لہوکی بدولت ہماری تحریک اپنی منزل مقصودپر ضرورپہنچے گی ۔
*****
7/2/2026 6:56:04 PM