رابطہ کمیٹی کے سینئررکن ساتھی اسحق ایڈوکیٹ اورمتعددکارکنوں کی گرفتاریاں کھلاظلم ہیں۔ الطاف حسین

Posted on: 1/14/2017

رابطہ کمیٹی کے سینئررکن ساتھی اسحق ایڈوکیٹ اورمتعددکارکنوں کی گرفتاریاں کھلاظلم ہیں۔ الطاف حسین
جب سے ایم کیوایم نے 21جنوری کوہونے والی ’’ استحکام پاکستان ریلی ‘‘ میں شرکت کااعلان کیاہے ریاستی آپریشن میں شدت آگئی ہے
ساتھی اسحق ایڈوکیٹ جوسینئر وکیل ہیں، جج بھی ر ہ چکے ہیں،ان پرکوئی مقدمہ نہیں ان تک کو گرفتار کرکے لاپتہ کردیاگیاہے
ساتھی اسحق ایڈوکیٹ ہائیکورٹ سے ضمانت قبل ازوقت گرفتاری منظور کرواچکے ہیں لیکن انہیں گرفتارکرکے قانون کی دھجیاں اڑادی گئی ہیں
گزشتہ تین روز کے دوران کراچی میں ایم کیوایم کے درجنوں کارکنوں کوگرفتارکیاجاچکاہے، وہ لاپتہ ہیں۔ الطاف حسین
ایم کیوایم کے رہنماؤں،کارکنوں کی بڑے پیمانے پر گرفتاریاں اورانہیں غائب کردیناسراسرظلم ہے۔الطاف حسین
اگرکسی پر کوئی الزام ہے تواسے عدالت میں پیش کیاجائے ،انہیں غائب کرنے کاسلسلہ بند کیاجائے ۔الطاف حسین
انسانی حقوق پریقین رکھنے والے تمام جمہوریت پسندوں اورانسانی حقوق کی تنظیموں کواس پر آوازاحتجاج بلندکرنا چاہیے
وزیراعظم نوازشریف ایم کیوایم کے رہنماؤں، کارکنوں کی گرفتاریوں کاسلسلہ بند کرائیں۔الطاف حسین
سپریم کورٹ کے چیف جسٹس غیرقانونی گرفتاریوں اورجبری گمشدگیوں کے سنگین معاملات پر ازخودنوٹس لیں۔الطاف حسین

متحدہ قومی موومنٹ کے قائدجناب الطاف حسین نے کراچی میں رینجرزکی جانب سے ایم کیوایم کے رہنماؤں اورکارکنوں کے گھروں پر بڑے پیمانے پر چھاپوں اور ایم کیوایم کی رابطہ کمیٹی کے سینئررکن ساتھی اسحق ایڈوکیٹ اورمتعددکارکنوں کی گرفتاریوں کی شدیدمذمت کی ہے ۔ اپنے بیان میں جناب الطاف حسین نے کہاکہ ایم کیوایم کے خلاف 2013ء سے ایک بدترین ریاستی آپریشن جاری ہے جسکے دوران ایم کیوایم کے کئی رہنماؤں اور عہدیداروں سمیت ہزاروں کارکنوں کوگرفتارکیاجاچکاہے ، رابطہ کمیٹی کے ارکان کنورنوید، قمرمنصور، شاہدپاشا، پروفیسرحسن ظفرعارف ،مومن خان مومن، امجداللہ خان،اشرف نور اور ہزاروں کارکنان کوگرفتارکرکے جھوٹے مقدمات میں قیدکیاجاچکاہے اورجب سے ایم کیوایم نے پی کیوایم کے زیراہتمام 21جنوری کوہونے والی ’’استحکام پاکستان ریلی ‘‘ میں شرکت کااعلان کیاہے ایم کیوایم کے خلاف جاری ریاستی آپریشن اور ایم کیوایم کے رہنماؤں اورکارکنوں کی پکڑدھکڑ میں شدت آگئی ہے ، حتیٰ کہ ساتھی اسحق ایڈوکیٹ جوسینئر وکیل ہیں، جج بھی ر ہ چکے ہیں، انہوں نے ملک میں جمہوریت کی بحالی کے لئے برسوں جدوجہد کی ہے اورایک پرانے سیاسی ورکر کی حیثیت سے وہ ایم کیوایم کی جدوجہدمیں شامل ہوئے ، ان پر کسی قسم کاکوئی مقدمہ نہیں ان تک کو گرفتار کرکے لاپتہ کردیاگیاہے ۔ ساتھی اسحق ایڈوکیٹ ہائیکورٹ سے ضمانت قبل ازوقت گرفتاری منظور کرواچکے ہیں لیکن انہیں گرفتارکرکے عدالتی احکامات اور قانون کی دھجیاں اڑادی گئی ہیں۔ انہوں نے کہاکہ شہربھرمیں ایم کیوایم کے کارکنوں کے گھروں پر چھاپے مارے جارہے ہیں،گزشتہ تین روز کے دوران کراچی میں ایم کیوایم کے درجنوں کارکنوں کوگرفتارکیاجاچکاہے، جنہیں کسی عدالت میں پیش نہیں کیاگیااوروہ تاحال لاپتہ ہیں۔جناب الطاف حسین نے کہاکہ ایم کیوایم کے رہنماؤں ، کارکنوں کی بڑے پیمانے پر گرفتاریاں اورانہیں غائب کردیناسراسرظلم اورانسانی حقوق کی سنگین خلاف ورذی ہے اورانسان حقوق پریقین رکھنے والے تمام جمہوریت پسندوں اورانسانی حقوق کی تنظیموں کواس پر آوازاحتجاج بلندکرنا چاہیے۔ انہوں نے کہاکہ پاکستان میں کالعدم تنظیمیں تواپنی سرگرمیوں میں آزاد ہیں لیکن ایم کیوایم کواستحکام پاکستان کیلئے پرامن سرگرمی سے بھی روکا جارہاہے ۔ جناب الطاف حسین نے وزیراعظم نوازشریف سے مطالبہ کیاکہ ایم کیوایم کے رہنماؤں، کارکنوں کی گرفتاریوں کاسلسلہ بند کیاجائے، ساتھی اسحق ایڈوکیٹ، کنورنوید، قمر منصور ، شاہدپاشا، پروفیسرحسن ظفرعارف ،مومن خان مومن، امجداللہ خان،اشرف نور اورتمام اسیرکارکنان کورہا کیاجائے اوراگرکسی پر کوئی الزام ہے تواسے عدالت میں پیش کیاجائے ،انہیں غائب کرنے کاسلسلہ بند کیا جائے ۔ انہوں نے سپریم کورٹ کے چیف جسٹس سے بھی اپیل کی کہ وہ غیرقانونی گرفتاریوں اورجبری گمشدگیوں کے سنگین معاملات پر ازخودنوٹس لیں اور مظلوموں کوانصاف دلائیں۔

*****

7/4/2020 6:58:41 AM

ایم کیوایم کا پاکستان اسٹاک ایکسچینج پرہونے والے حملہ سے کوئی تعلق نہ... 30 Jun 2020	لاپتہ افراد کی بازیابی کیلئے پرامن احتجاجی مظاہرین پر تشدد اورگرفتاریا... 27 Jun 2020
امریکہ، برطانیہ،کینیڈا، جرمنی اوردیگریورپی ممالک عمران خان کی جانب سے ... 26 Jun 2020	کوئٹہ میں اپنے بنیادی تعلیمی حق کیلئے پرامن مظاہرہ کرنے والے بلوچ طل... 25 Jun 2020
کراچی ، حیدرآباد اورسندھ کے دیگرشہروںمیں ایم کیوایم کے کارکنوں،ہمدرد... 23 Jun 2020	حافظ مسرورالحسن کے انتقال سے ایم کیوایم ایک سچے ہمدرد اور مشفق بزرگ س... 22 Jun 2020
محمدانور کی جانب سے جیونیوز کے نمائندے مرتضیٰ علی شاہ کودیے گئے انٹرو... 21 Jun 2020	ایم کیوایم کے بانی وقائد الطاف حسین نے ڈاکٹرعمران فاروق شہید کی بیوہ ش... 21 Jun 2020
برصغیر کے بڑے عالم دین، مذہبی اسکالر،ذاکر اورجلیل القدرمذہبی شخصیت حضر... 21 Jun 2020	شہیدانقلاب ڈاکٹرعمران فاروق تحریک کاسرمایہ تھے ، ان کوقتل کرکے دراصل ... 19 Jun 2020