بانیانِ پاکستان کی اولادوں کے اوپر مظالم ڈھانے والوں اوپر والے کے عذاب سے ڈرو۔ آصف قاضی

کینیڈا :22؍ اگست 2016ء 

بانیان پاکستان کی اولادوں پر عسکری قوتوں کی جانب سے مسلسل نارواں سلوک سے تنگ آکر متحدہ قومی موومنٹ کی اعلیٰ قیادت کی جانب سے تا دم مرگ بھوک ہڑتال کے فیصلے کی حمایت میں گزشتہ روز ٹورنٹو میں ایک جلسہ منعقد ہوا جسمیں ایم کیو ایم کینیڈا کے نگراں ڈاکٹر ندیم احسان‘ سینٹرل آرگنائزر آصف قاضی‘ ارکین سینٹرل کمیٹی ‘ ٹورنٹو و مسسز ساگاہ چیپٹرز کے ذمہ داران کے علاوہ کارکنان و ہمدردوں کی ایک بڑی تعداد نے شرکت کی۔ اس موقع پرسینٹرل آرگنائزر آصف قاضی نے عمائدین شہر کے اجتماع سے مخاطب ہوتے ہوئے ‘ سندھ و کراچی کی تقدیر کے ساتھ کھلوار کرکے اس کے نصیب کو اپنی مرضی کے مطابق بنانے کے خواب دیکھنے والوں کو انتہائی سخت لہجے میں کہا کہ خدارا بانیانِ پاکستان کی اولادوں کے ساتھ قیام پاکستان سے لے کر آج تک رکھے جانے والے نارواں سلوک کا سلسلہ فوری طور پرختم ہونا چاہئے ۔انہوں نے عسکری قیادت کو جیو اور جینے دو کی پالیسی پر عمل کرنے کا مشورہ دیتے ہوئے کہا کہ تمھارے اس عمل سے مہاجر قوم میں احساس محرومی جس شدت کے ساتھ پروان چڑھ رہی ہے اس کا اندازہ شاید تم نہ لگا سکو ۔ تمھارے اس ہی عمل کی وجہ سے ۱۹۷۱ میں ملک دولخت ہوا جسے آج دنیا بنگلہ دیش کے نام سے جانتی ہے۔خدا را عقل کے ناخن لو مہاجر قوم میں پیدا ہونے والے احساس محرومی کے تدارک کے لئے نفرتوں کے اس سلسلے کو فوری طور پر روکو خدا نہ خواستہ کہیں ایسا نہ ہو جب تمہیں ہوش آئے پانی تمھارے سروں سے اوپر اُٹھ چکا ہو۔ انہوں نے مزید کہا کہ ایم کیو ایم کینیڈا کراچی پریس کلب کے باہر سندھ کی دوسری بڑی سیاسی جماعت ایم کیو ایم کے ساتھ مسلسل ذیادتیوں کی پاداش میں ہونے والی تا دم مرگ بھوک ہڑتال کی مکمل حمایت کرتی ہے۔انہوں نے ارباب اختیار سے مخاطب ہوتے ہوئے کہا کہ فوری طور پر ہمارے سارے جائز مطالبات پورے کئے جائیں۔ہمارے کئی ذمہ داران و کارکنان مسلسل بھوک کی شدت کی وجہ سے ہسپتال منتقل ہو چکے ہیں۔اگر خدا نہ خواستہ کسی ایک کی جان کو بھی تقصان ہوا اس کی ذمہ دار حکومت وقت ہوگی اور اسکا خمیازہ حکومت کو ادا کرنا ہوگا۔ آصف قاضی نے کہا کہ آج کے دن ہم لوگ ایک بار پھر تجدید عہد وفا کرتے ہیں کہ بُرے سے بُرے وقت میں بھی ہم قائد تحریک الطاف حسین بھائی کے وفادار تھے اور رہیں گے اور مرتے دم تک اپنے قائد کے فکر و فلسفے کو دُنیا کے کونے کونے تک پہنچانے میں اپنا فرض انتہائی ذمہ داری کے ساتھ ادا کرتے رہیں گے۔ آخر میں قائد تحریک کی صحت ‘درازی عمر اور صحت یابی کے لئے دعا کی گئی اور تحریک کی راہ میں شہید ہونے والے تمام ساتھیوں اور ہمدردوں کی مغفرت کے لئے بھی دعا کی گئی۔