ایم کیوایم کی رابطہ کمیٹی کے سینئر ڈپٹی کنوینر عامر خان بھی تادم مرگ بھوک ہڑتال میں شریک ہوگئے

کراچی۔۔۔20، اگست2016ء

ایم کیوایم اورمہاجروں پرڈھائے جانے والے ریاستی مظالم کے خلاف ایم کیوایم کی تادم مرگ بھوک ہڑتال کرنے والوں میں رابطہ کمیٹی کے سینئر ڈپٹی کنوینر عامر خان بھی شامل ہوگئے ۔مورخہ 17، اگست کو ایم کیوایم کی جانب سے کراچی پریس کلب کے باہر احتجاجاً تادم مرگ بھوک ہڑتال کاآغاز کیاتھا۔تادم مرگ بھوک ہڑتال کرنے والوں میں رابطہ کمیٹی کے سینئر ڈپٹی کنوینر عامرخان،اراکین رابطہ کمیٹی اسلم آفریدی، ذاکرحسین ،ارکان سندھ اسمبلی سیف الدین خالد، یوسف شاہوانی کے علاوہ ایم کیوایم کے ذمہ داران جاوید اختر، فیصل رفیق، محمد رشید، سردارگل محمد، امجد حسین، اسداللہ ، رفیع اکبر، وسیم ترک، امجد اللہ خان، اویس الحسن برنی اور محمد دانش شامل ہیں۔تادم مرگ بھوک ہڑتال کرنے والے رہنماؤں ، منتخب نمائندوں اورکارکنوں کے عزم وحوصلے اورہمت وجرات سے ایم کیوایم کے کارکنان وعوام میں زبردست جوش وخروش دیکھنے میں آرہا ہے۔



تصاویر