مہاجروں کے سیاسی ، معاشی ، سماجی ، تعلیمی ، جسمانی قتل عام ، کارکنان کے گھروں و دفاتر پر غیر آئینی و غیر قانونی چھاپوں ، گرفتاریوں اور انسانی حقوق کی سنگین خلاف ورزیوں کے خلاف ایم کیوایم کی کراچی پریس کلب کے باہر ’’تادمِ مرگ بھوک ہڑتال ‘‘جاری ہے

کراچی ۔۔۔20، اگست2016ء 

مہاجروں کے سیاسی ، معاشی ، سماجی ، تعلیمی ، جسمانی قتل عام ، کارکنان کے گھروں و دفاتر پر غیر آئینی و غیر قانونی چھاپوں ، گرفتاریوں اور انسانی حقوق کی سنگین خلاف ورزیوں کے خلاف متحدہ قومی موومنٹ کی کراچی پریس کلب کے باہر ’’تادمِ مرگ بھوک ہڑتال ‘‘جاری ہے اور آج تادم مرگ بھوک ہڑتال کامسلسل چوتھا دن ہے اور آج بھوک ہڑتال پر بیٹھے ہوئے انہیں دوپہر ایک بجے تک 66گھنٹے گزر چکے ہیں۔ایم کیوایم میڈیکل ایڈ کمیٹی کے ڈاکٹروں کے مطابق مسلسل 66گھنٹے بھوک ہڑتال پر بیٹھے ہوئے افراد کا بی پی اور شوگر مسلسل ڈاؤن ہے جس کے باعث انہیں شدید نقاہت ہے جس سے ان کی زندگیوں کو خطرات لاحق ہوگئے ہیں ۔ چوتھے دن تادم مرگ بھوک ہڑتال کے دوران ایم کیوایم کے مرکزی رہنما اویس الحسن برنی کی طبیعت پھر بگڑ گئی جنہیں ایم کیوایم میڈیکل ایڈ کمیٹی کے ڈاکٹروں نے تفصیلی معائنہ کرنے کے بعد ڈرپ لگائی اور وہ اس وقت بھی بھوک ہڑتالی کیمپ میں موجود ہیں ۔ بھوک ہڑتالی کیمپ میں بھوک ہڑتال پر بیٹھے ہوئے افراد سے اظہار یکجہتی کیلئے ذمہ داران ، کارکنان ، خواتین اور مختلف شعبہ ہائے زندگی سے تعلق رکھنے والے والی شخصیات کی آمد کا سلسلہ بھی جاری ہے ۔ 

واضح رہے کہ تادم مرگ بھوک ہڑتال پر ایم کیوایم کے 6ذمہ داران و کارکنان مورخہ17اگست بروز بدھ کی شب 8بجے سے بیٹھے ہوئے ہیں جن میں ایم کیوایم کی رابطہ کمیٹی کے ارکان اسلم آفریدی ، ذاکر قریشی ، حق پرست رکن سندھ اسمبلی یوسف شاہوانی ، ایم کیوایم سینٹرل ایگزیکٹو کونسل کے رکن رفیع اکبر ، متحدہ آرگنائزنگ کمیٹی کے ارکان اسد اللہ خان اور وسیم احمد ترک شامل ہیں اور انہیں تادم مرگ بھوک ہڑتال پر مسلسل بیٹھے ہوئے مورخہ 20اگست بروز .ہفتہ کی دوپہر1بجے تک 66گھنٹے ہوگئے ہیں جبکہ مورخہ18اگست بروز بدھ کی شام 4بجے مزید ایم کیوایم کے 10ذمہ داران و کارکنان بھوک ہڑٹال پر بیٹھ گئے تھے جن میں رکن قومی اسمبلی شیخ صلاح الدین ، ارکان سندھ اسمبلی سیف الدین خالد ، فیصل رفیق ، ایم کیوایم کے مرکزی رہنما سید اویس الحسن برنی ، ایم کیوایم کے سینئر کارکن اور ذمہ داران شہزاد ، امجد اللہ ، جاوید اختر ، محمد رشید ، محمد امجد اورکے ایم سی کونسل برائے مخصوص نشست کے رکن سردار گرمکھ سنگھ شامل ہیں اور انہیں تادم مرگ بھوک ہڑتال پر بیٹھے ہوئے 20؍اگست بروز جمعہ کی دوپہر1:00بجے تک 46گھنٹے گزر چکے ہیں

  
تصاویر