ایم کیوایم کی کراچی پریس کلب کے باہر جاری ’’تادمِ مرگ بھوک ہڑتال‘‘ کے دوسرے دن مزید 10 افراد تادم مرگ بھوک ہڑتال پر بیٹھ گئے

کراچی ۔۔۔18، اگست2016ء 

مہاجروں کے سیاسی ، معاشی ، سماجی ، تعلیمی ، جسمانی قتل عام ، کارکنان کے گھروں و دفاتر پر غیر آئینی و غیر قانونی چھاپوں ، گرفتاریوں اور انسانی حقوق کی سنگین خلاف ورزیوں کے خلاف متحدہ قومی موومنٹ کی کراچی پریس کلب کے باہر ’’تادمِ مرگ بھوک ‘‘ ہڑتال کے دوسرے دن 10مزید افراد تادم مرگ بھوک ہڑتال پر بیٹھ گئے اس طرح تادم مرگ بھوک ہڑتال پر بیٹھنے والوں کی مجموعی تعداد 16ہوگئی ہے ۔ ایم کیوایم کے ڈپٹی کنوینر کنور نوید جمیل کے مطابق تادم مرگ بھوک ہڑتال پر بیٹھنے کیلئے ہمارے پاس جو نام موصول ہوئے ہیں ان کی تعداد سینکڑوں سے بڑھ کر اب ہزاروں ہوگئی ہے اور ان ناموں کا رابطہ کمیٹی جائزہ لے رہی ہے ۔ دوسرے دن تادم مرگ بھوک ہڑتال پر بیٹھنے والوں میں رکن قومی اسمبلی شیخ صلاح الدین ، ارکان سندھ اسمبلی سیف الدین خالد ، فیصل رفیق ، ایم کیوایم کے مرکزی رہنما سید اویس الحسن برنی ، ایم کیوایم کے سینئر کارکن اور ذمہ داران شہزاد ، عامر مسعود ، جاوید اختر ، محمد رشید ، محمد امجد اور کے ایم سی کونسل برائے مخصوص نشست کے رکن سردار گرمکھ سنگھ شامل ہیں ۔ واضح رہے کہ مورخہ17اگست 2016ء بدھ کی رات 8بجے ایم کیوایم کی رابطہ کمیٹی کے ارکان اسلم آفریدی ، ذاکر قریشی ، حق پرست رکن سندھ اسمبلی یوسف شاہوانی ، ایم کیوایم سینٹرل ایگزیکٹو کونسل کے رکن رفیع اکبر ، متحدہ آرگنائزنگ کمیٹی کے ارکان اسد اللہ خان اور وسیم احمد ترک تادم مرگ بھوک ہڑتال پر بیٹھے ہوئے ہیں اور انہیں تادم مرگ بھوک ہڑتال پر مسلسل بیٹھے ہوئے 20گھنٹے ہوچکے ہیں ۔ 
تصاویر