آج سے 38 سال قبل اے پی ایم ایس او کے تحت اسی عنوان سے ایک تاریخی پمفلٹ جاری ہوا تھا جس نے ملک پر چھائی تاریکی اور سکوت کو توڑنے میں کلیدی کردار ادا کیا تھا۔ ڈاکٹر فاروق ستار

کراچی ۔۔۔ 26؍ مئی 2016ء

آل پاکستان متحدہ اسٹوڈنٹس آرگنائزیشن کے سیکٹر بی کے زیر اہتمام گورنمٹ کا لج فیڈرل بی ایریا میں نوجوانوں میں تقریری سرگرمیوں کو فروغ دینے کیلئے تقریری مقابلے کا انعقاد کایا گیا۔ ’’میری آواز سنو‘‘ کے عنوان سے منعقدہ تقریری مقابلے کے مہمان خصوصی ایم کیوایم رابطہ کمیٹی کے سینئر ڈپٹی کنونیز ڈاکٹر فاروق ستار تھے جبکہ اس موقع پر نامزد حق پرست چیئرمین سینٹرل ریحان ہاشمی، رکن قومی اسمبلی عبدالوسیم، وائس چیئرپرسن اے پی ایم ایس او وجیہہ رؤف، کالج پرنسپل، اساتذہ کرام، اراکین مرکزی کابینہ اے پی ایم ایس او، سیکٹر بی کے ذمہ داران و کارکنان سمیت بڑی تعداد میں طلباء و طالبات نے شرکت کی۔ تقریری مقابلے کے شرکاء سے خطاب کرتے ہوئے ایم کیو ایم رابطہ کمیٹی کے سینئر ڈپٹی کنونیر ڈاکٹر فاروق ستار نے کہا کہ آج سے 38 سال قبل اے پی ایم ایس او کے تحت اسی عنوان سے ایک تاریخی پمفلٹ جاری ہوا تھا جس نے ملک پر چھائی تاریکی اور سکوت کو توڑنے میں کلیدی کردار ادا کیا تھا۔ انہوں نے کہا کہ طالبعلم طبقہ کسی بھی ملک و معاشرہ کا سب سے اہم طبقہ ہوتا ہے لیکن افسوس کہ پاکستان میں طالبعلم طبقے پر سب سے کم توجہ دی جاتی ہے۔ انہوں نے کہا کہ آج کے یہی طلبہ کل ملک کی باگ دوڑ سنبھالیں گے اس لئے بحیثیت طالبعلم آپ سب پہ یہ بھاری ذمہ داری عائد ہوتی ہے کہ دل لگا کر تعلیم حاصل کریں تاکہ آپ ملک کو ترقی و کامرانی سے ہمکنار کرنے میں اپنا بھرپور کردار ادا کرسکے۔ اس موقع پر ایم کیو ایم کے سینئر ڈپٹی کنونیر ڈاکٹر فاروق ستار و دیگر مہمانان گرامی نے اے پی ایم ایس او کی مرکزی کابینہ کے ہمراہ اے پی ایم ایس او کے 38 ویں یوم تاسیس کا کیک کاٹا۔ تقریری مقابلے میں یونیوسٹی کیٹیگری میں پہلی پوزیشن حامد علی ملک، دوسری پوزیشن محمد اطیب اور تیسری پوزیشن اقبال حسین رضوی نے حاصل کی جبکہ کالج کیٹیگری میں کہکشاں انجم نے اوّل، عثمان ملک نے دوئم، طلحہ عالم نے سوئم پوزیشنز حاصل کیں۔ تقریری مقابلے میں حصہ لینے والے طلباء و طالبات میں اسناد تقسیم کی گئی جبکہ نمایاں پوزیشن حاصل کرنے والے طلبہ میں اسناد، انعامات اور کیش پرائزز تقسیم کئے گئے۔ اسکے علاوہ اسکول کیٹیگری میں بے بی ماہم اور علیشا کو اے پی ایم ایس او سیکٹر بی کی جانب سے خصوصی انعامات اور کیش پرائز دیئے گئے۔