اساتذہ اور طلباء سندھ کی تقسیم کے اس عمل کے خلاف بھر پور صدائے احتجاج بلند کریں
تعلیم پر سیاست قوموں اور ملکوں کو تباہی کے دہانے پر لے جاتی ہے
وہ دن دور نہیں جب ملک کے ہر کونے میں حق پرستی کا پرچم لہرائے گا، عادل خان
اے پی ایم ایس او کے سیکٹر اے، بی کے کارکنان کے جنرل ورکرز اجلاس سے خطاب
کراچی ۔۔۔۔ 05؍ ستمبر 2013ء
آل پاکستان متحدہ اسٹوڈینٹس آرگنائزیشن کے سیکریٹری جنرل توصیف اعجاز نے کہا ہے کہ سندھ یونیورسٹی ترمیمی بل 2013ء سندھ میں دیہی اور شہری کی تفریق ہے اور اس کی منظوری سے طلبا ء و اساتذہ میں احساس محرومی جنم لے رہا ہے۔ تعلیم پر سیاست قوموں اور ملکوں کو تباہی کے دہانے پر لے جاتی ہے۔ان خیالات کا اظہار انھوں نے اے پی ایم ایس او کی جانب سے سیکٹر اے اور سیکٹر بی میں منعقدہ جنرل ورکرز اجلاس سے خطا ب کرتے ہوئے کیا ۔ انھوں نے کہاکہ وہ تمام سیاسی و مذ ہبی جماعتیں جو کراچی کے نوجوانوں کی بات کرتی ہیں اس ترمیمی بل پر خاموش ہیں ۔ انھوں نے بل کو انتہائی متعصب قراردیتے ہوئے اس بات کا عندیہ دیا کہ اے پی ایم ایس او اس بل کے خلاف ملک بھر میں احتجاج کریگی ۔انھوں نے اساتذہ کرام اور طلباء سے مطالبہ کیا کے و ہ سندھ کی تقسیم کے اس عمل کے خلاف بھر پور صدائے احتجاج بلند کریں اور پاکستان کے مستقبل کو تاریک ہونے سے بچائیں۔اس موقع پر اے پی ایم ایس اوکے جوائنٹ سیکریٹری عادل خان ، مرکزی کابینہ کے رکن احمر فلسطینی اور ذمہ داران و کارکنان کی بڑی تعداد موجو د تھی ۔بعد ازاں عادل خان نے کارکنان سے خطاب کرتے ہوئے کہا کہ قائد تحریک الطاف حسین نے ہمیشہ حق اور سچ کی بات کی ہے اور یہی وجہ ہے کہ ان کے کارکنان باطل پرست قوتوں کے خلاف پر عزم ہیں ،آج قائد تحریک کا نظریہ ملک بھر کے غریب و متوسط طبقے تک پہنچ رہا ہے اور لوگ جوق درجوق اس تحریک میں شمولیت اختیار کر رہے ہیں ۔انھوں نے کہا کہ ماضی میں بھی حق پرستوں کو دبانے کی تمام تر سازشیں نا کام ہوئی تھیں اور انشاء اللہ آئندہ بھی ظالم قوتیں نا مراد ہوں گی ۔ انھوں نے کارکنان کو تلقین کی کہ وہ اپنی تعلیم کے حصول پر بھر پور توجہ دیں اساتذہ کرام اور بزرگوں کا احترام کریں اور قائد کے نظریے کو عام طالبعلموں میں احسن طریقے سے عام کریں وہ دن دور نہیں جب ملک کے ہر کونے میں حق پرستی کا پرچم لہرائے گا۔

6/29/2017 2:16:48 AM

قائدتحریک الطاف حسین اورکنوینرندیم نصرت کے خلاف ڈاکٹر فاروق ستارکے بیا... 28 Jun 2017	مہاجرقوم آزاداورخودمختار صوبے کے مطالبے سے ہرگز دستبردار نہیں ہوگی، ال... 28 Jun 2017
متحدہ قومی موومنٹ کے کنوینرندیم نصرت کی واشنگٹن میں امریکہ کے بااثرکان... 28 Jun 2017	سینٹرل جیل کراچی میں سیاسی اسیروں کو بنیادی حقوق سے محروم کرنا اورجیل... 28 Jun 2017
پاراچنارکے اہل تشیع عوام کی نسل کشی اوران پر ریاستی مظالم ڈھانے کاسلسل... 27 Jun 2017	ایم کیوایم کے کنوینر ندیم نصرت اورامریکی کانگریس مین ڈینارورا بیکرکے د... 27 Jun 2017
پارہ چنار میں اہل تشیع افراد کے خلاف دہشت گردی، 140 افراد شہید، ہزاروں... 27 Jun 2017	زمین کے حصول کیلئے ملیرندی کادہانہ چھوٹا کرنا اور کراچی کا قدرتی ماحول... 26 Jun 2017
پاکستان کے عوام ملک میں ہونے والے دہشت گردی کے واقعات کے باعث عیدالفطر... 25 Jun 2017	ایم کیوایم کے بانی وقائد الطاف حسین کی خالہ مرحومہ زلیخا بیگم کے ایصال... 25 Jun 2017