حکومت کی جانب سے پیٹرول، مٹی کے تیل اور ڈیزل کی قیمتوں میں ہو شربا اضافے پر ایم کیوایم رابطہ کمیٹی کا اظہار مذمت

Posted on: 9/1/2013 1

موجودہ حکومت سے عوام یہ امید رکھے ہوئے تھے کہ وہ عوام کے استعمال کی بنیادی اشیاء کی قیمتوں میں اضافہ کی روش اختیار نہیں کرے گی، رابطہ کمیٹی ایم کیوایم
پیٹرولیم مصنوعات کی قیمتوں میں اضافے کا عوام دشمن فیصلہ فی الفور واپس لے کر عوام کو سبسڈی دی جائے، رابطہ کمیٹی ایم کیوایم
کراچی ۔۔۔یکم ، اگست2013ء
متحدہ قومی موومنٹ کی رابطہ کمیٹی نے حکومت کی جانب سے پیٹرول ، مٹی کے تیل اور ڈیزل کی قیمتوں میں ہوشربا اضافے کی سخت ترین الفاظ میں مذمت کی ہے اور کہا ہے کہ نئی منتخب عوامی حکومت نے بھی پیٹرولیم مصنوعات کی قیمتوں میں اضافہ کرکے ملک بھر کے عوام کو مایوس کردیا ہے ۔ایک بیان میں رابطہ کمیٹی نے کہا کہ مہنگائی ، بیروزگاری اور دہشت گردی کا شکار ملک بھر کے عوام کیلئے دو وقت کی روٹی کا حصول پہلے ہی مشکل تھا اور اب پیٹرولیم مصنوعات کی قیمتوں میں اضافے در اضافے کی مشق برقرار رکھ کر ایک بار پھر عوام سے باعزت طریقے سے زندہ رہنے کا حق چھین لیا گیا ہے ۔رابطہ کمیٹی نے کہاکہ ماضی کی حکومت نے پیٹرولیم مصنوعات کی قیمتوں میں بے تحاشہ اضافہ کیاجبکہ موجودہ حکومت سے عوام یہ امید رکھے ہوئے تھے کہ وہ عوام کے استعمال کی بنیادی اشیاء کی قیمتوں میں اضافہ کی روش اختیار نہیں کرے گی اور پیٹرولیم مصنوعات سمیت بجلی ، گیس اور دیگر بنیادی سہولیات میں عوام کو ریلیف فراہم کرے گی لیکن موجودہ حکومت کے اقدامات اس بات کی جانب اشارہ کررہے ہیں کہ عوام نے موجودہ حکومت سے جو توقعات وابستہ کررکھی تھیں وہ پوری ہوتی نظر نہیں آتی۔ رابطہ کمیٹی نے کہاکہ ملک میں مہنگائی اور بیروزگاری کا طوفان ہے اور اس صورتحال کے تناظر میں پیٹرولیم مصنوعات کی قیمتوں میں ہوشرباء اضافہ کسی طرح بھی ملک و قوم کے مفاد میں نہیں ہے ، اور اس اضافے سے براہِ راست عوام ہی متاثر ہونگے ، اشیائے صرف کی قیمتوں ، ٹرانسپورٹ کرایوں سمیت دیگر شعبوں میں مہنگائی کی شرح خطرناک حد تک بڑھے گی اور اس میں بے لگام اضافہ ہوگا ۔رابطہ کمیٹی نے وزیراعظم پاکستان نواز شریف سے مطالبہ کیا کہہ پیٹرولیم مصنوعات کی قیمتوں میں اضافے کا عوام دشمن فیصلہ نہ صرف فی الفور واپس لیاجائے بلکہ حکومت پیٹرولیم مصنوعات کی قیمتوں کی مد میں مزید سبسڈی کے مثبت اور عملی اقدامات بروئے کار لائے ۔

12/10/2025 4:10:44 PM

شہیدوں کے لواحقین کو یادگارشہداء اور شہداء قبرستان جانے تک کی اجازت ن... 09 Dec 2025	یوم شہدا کے موقع پر ایم کیوایم امریکہ کی جانب سے خصوصی ترا نہ ”شہیدوں ... 08 Dec 2025
صرف الطاف حسین ہی کے لئے نہیں بلکہ عمران خان کے لئے بھی اپنے بڑے پن کا... 07 Dec 2025	کہا جارہا ہے کہ پی ٹی آئی والوں کے پاس دو راستے ہیں کہ وہ عمران خان سے... 07 Dec 2025
پیپلزپارٹی نے اس طرح یہ تاثردیاکہ سندھی ثقافت توڑپھوڑ، جلاؤ گھیراؤاورت... 07 Dec 2025	تحریک انصاف والوں نے مجھ پربہتان لگاکر سُر چھیڑا ہے،اب انہیں پورا راگ ... 06 Dec 2025
ایم کیوایم نے فرسودہ جاگیردارانہ نظام اور کرپٹ اقتدارمافیا کو چیلنج ک... 06 Dec 2025	ایم کیوایم کے بانی وقائد جناب الطاف حسین نے پاکستان کی تیزی سےبدلتی ہ... 03 Dec 2025
اس سال میں بہت کچھ ہواہے اورمیں کہہ رہا ہوں کہ مستقبل قریب میں بھی بہت... 03 Dec 2025	ایم کیوایم کی کوآرڈی نیشن کمیٹی کے ارکان کا معصوم ابراہیم کے سوگوارلوا... 02 Dec 2025