کراچی کے مختلف علاقوں میں پانی کے شدید بحران کے باعث شہریوں کو درپیش مسائل ومشکلات پررابطہ کمیٹی کا اظہارتشویش

کراچی۔۔۔۔30اپریل2016ء

متحدہ قومی موومنٹ کی رابطہ کمیٹی نے شدید گرمی کے دنوں میں کراچی میں پانی کے شدید بحران کے باعث شہریوں کو درپیش مسائل ومشکلات پر گہری تشویش کااظہار کیا ہے ۔ ایک بیان میں رابطہ کمیٹی نے کہاکہ سپریم کورٹ کے واضح احکامات کے باوجودشہر میں غیر قانونی ہائیڈرینٹس کا کاروبار ہے جاری ہے ۔ رابطہ کمیٹی نے کہا کہ واٹر بورڈ کے نااہل انتظامیہ کراچی کے شہریوں کو پانی کی فراہمی کرنے میں مسلسل کوتاہی برت رہی ہے جس کی وجہ سے کراچی کے متعدد علاقوں کے شہری بوند بوند پانی کو ترس رہے ہیں۔ رابطہ کمیٹی نے کہا کہ کراچی کے شہریوں کے وسیع تر مفاد کیلئے K-4 جیسے فراہمی آب کے منصوبے کو فی الفور مکمل کی جائے اور شہریوں کو مسلسل اور بلا رکاوٹ پانی کی فراہمی کیلئے ٹھوس اقدامات کیے جائیں ۔انہوں نے کہا کہ واٹر بورڈ انتظامیہ اور ٹینکر مافیا کی ملی بھگت سے کراچی کے شہری ٹینکر مافیا کے ہاتھوں مہنگے داموں پانی خریدنے پر مجبور ہیں ہیں ۔ انہوں نے کہا کہ جس سے ٹینکر مافیا اور کراچی کے عوام کو پانی کی فراہمی روکنے میں ملوث عناصر کا گٹھ جوڑ سامنے آچکا ہےَ ۔رابطہ کمیٹی نے کہاکہ ایک طرف کراچی میں قیامت خیز گرمی اور دوسری جانب پانی کی کمی کے باعث بچے ، بزرگ ، خواتین اور بوڑھی مائیں پانی کے حصول کیلئے در بدر کی ٹھوکریں کھانے پر مجبور ہیں ۔ رابطہ کمیٹی نے کہا کہا شہر میں لوڈ شیڈنگ کی وجہ سے پہلے شہریوں کو پانی کی فراہمی نہیں ہوپارہی ہے اور دوسری جانب کراچی کے شہریوں کو پانی جیسے بنیادی سہولتوں سے سے محروم رکھنے کی وجہ سے شہر میں لاء اینڈ آرڈر کا مسئلہ پیدا نہ ہوجائے۔ رابطہ کمیٹی نے وزیراعظم پاکستان نوازشریف ، وزیراعلیٰ سندھ قائم علی شاہ صوبائی وزیر بلدیا ت جام خان شورو سے مطالبہ کیا کہ کراچی کے مختلف علاقوں میں پانی کے شدید بحران کا سنجیدگی سے نوٹس لیا جائے اور واٹر بورڈ انتظامیہ کو پابند کی جائے کہ وہ اس شدید گرمی کے دنوں میں کراچی کے تمام علاقوں کے شہریوں کو پانی جیسے بنیادی سہولت کی فراہمی کو فوری یقینی بنائی جائے ۔