مسلح افواج کے جوانوں اور شہریوں کو دہشت گردی کا نشانہ بنانے پرایم کیوایم نے جشن فتح مؤخرکردیا

کراچی۔۔۔22، اگست2013ء

متحدہ قومی موومنٹ نے دہشت گردوں کی جانب سے کورنگی میں مسلح افواج کے جوانوں اور شہریوں کو دہشت گردی کا نشانہ بنانے کے واقعہ پر ضمنی انتخابات میں حق پرست امیدواروں کی کامیابی کا جشن فتح مؤخرکردیا ہے ۔ ایم کیوایم کے اعلامیئے کے مطابق ضمنی انتخابات میں ایم کیوایم کے نامزد امیدواروں کی کامیابی کی خوشی میں جمعرات کی شب ایم کیوایم کے مرکزنائن زیروپر جشن فتح کے سلسلے میں تقریب منعقد کی جانی تھی ، اس سلسلے میں کراچی بھر سے ایم کیوایم کے کارکنان اور ہمدردوں کی بڑی تعدادایم کیوایم کے مرکز نائن زیروعزیزآباد میں جمع ہورہی تھی اورجمع ہونے والے کارکنان وعوام سے ایم کیوایم کے قائد جناب الطاف حسین کاٹیلی فون خطاب بھی متوقع تھاتاہم کورنگی میں دہشت گردوں کی جانب سے مسلح افواج کے ٹرک پر بم دھماکے اور اس کے نتیجے میں فوجی جوانوں اور شہریوں کے شہید وزخمی ہونے کے المناک واقعہ پر جشن فتح اور جناب الطاف حسین کا خطاب مؤخرکردیا گیاہے۔