Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

خدمت خلق فاؤنڈیشن کے زیر اہتمام زلزلہ متاثرین کیلئے امدادی سامان اور غذائی جناس جمع کرانے اور انہیں زلزلہ سے متاثرہ علاقوں میں بھیجنے کا سلسلہ جاری ہے


خدمت خلق فاؤنڈیشن کے زیر اہتمام زلزلہ متاثرین کیلئے امدادی سامان اور غذائی جناس جمع کرانے اور انہیں زلزلہ سے  متاثرہ علاقوں میں بھیجنے کا سلسلہ جاری ہے
 Posted on: 10/30/2015
خدمت خلق فاؤنڈیشن کے زیر اہتمام زلزلہ متاثرین کیلئے امدادی سامان اور غذائی جناس جمع کرانے اور انہیں زلزلہ سے 
متاثرہ علاقوں میں بھیجنے کا سلسلہ جاری ہے 
مخیرحضرات نے ملک میں آنے والے زلزلہ متاثرین کی امداد کیلئے چاول سے بھراایک ٹرک خدمت خدمت خلق فاؤنڈیشن کے صدردفترپہنچایا
کراچی میں لگائے گئے 40امدادی کیمپوں اور اندرون سندھ ، صوبہ پنجاب ، بلوچستان اور خیبر پختونخوا میں لگائے گئے مجموعی طور پر 100امدادی کیمپوں پر چوتھے روز بھی عوام کی جانب سے بڑی تعداد میں امدادی سامان اور غذائی اجناس عطیہ کی گئیں
رابطہ کمیٹی کے ارکان محمد حسین ، اسلم آفریدی ، عارف خان ایڈووکیٹ ، ارشد حسن اور عبد الحسیب نے ڈسٹرکٹ ایسٹ ، ویسٹ اور 
کورنگی میں لگائے گئے امدادی کیمپوں کے دورے کئے
رابطہ کمیٹی اراکین نے امدادی کیمپوں پر عوام سے امدادی سامان اور عطیات وصول کئے اور ان کا شکریہ ادا کیا 
خدمت خلق فاؤنڈیشن کے زلزلہ متاثرین کیلئے ملک بھر میں امدادی کیمپس کا قیام اور متاثرین کیلئے امدادی سامان روانہ کرنا دکھی انسانیت کی بڑی خدمت ہے ،امداد جمع کرانے والے عوام کے تاثرات 
کراچی ۔۔۔30، اکتوبر2015ء 
متحدہ قومی موومنٹ کے فلاحی ادارے خدمت خلق فاؤنڈیشن کے زیر اہتمام زلزلہ متاثرین کیلئے امدادی سامان اور غذائی ا جناس جمع کرانے اور انہیں زلزلہ سے متاثرہ علاقوں میں بھیجنے کا سلسلہ جاری ہے ۔اس سلسلے میں مخیرحضرات کی جانب سے ملک میں آنے والے زلزلہ متاثرین کی امداد کیلئے چاول سے بھراایک ٹرک خدمت خدمت خلق فاؤنڈیشن کے صدردفترپہنچایا۔ایم کیوایم کی رابطہ کمیٹی کے ڈپٹی کنوینرکہف الواریٰ نے امدادی سامان کا یہ ٹرک وصول کیااورمخیرحضرات کاقائدتحریک جناب الطاف حسین کی جانب سے شکریہ اداکیا۔ زلزلہ متاثرین کیلئے خدمت خلق فاؤنڈیشن کی جانب سے کراچی میں لگائے گئے 40امدادی کیمپوں اور اندرون سندھ ، صوبہ پنجاب ، بلوچستان اور خیبر پختونخوا میں لگائے گئے مجموعی طور پر 100امدادی کیمپوں پر چوتھے روز بھی عوام کی جانب سے بڑی تعداد میں امدادی سامان اور غذائی اجناس عطیہ کی گئیں جن میں چاول ، دالیں ، آٹا ، خشک دودھ ، منرل واٹر ، وہیل چیئرز ، کمبل ، لحاف ، بستر ، چادریں ، ٹینٹ ، خیمے ،ادویات اور ضروریات زندگی کی دیگر اشیاء بڑی مقدار میں شامل ہیں ۔کراچی میں لگائے گئے امدادی کیمپوں پر جمع ہونے والا امدادی سامان خدمت خلق فاؤنڈیشن کے صدر دفتر میں قائم کئے گئے مرکزی کیمپ پر روزانہ کی بنیاد پر بھیجا جارہا ہے جہاں سے یہ امدادی سامان ٹرکوں میں بھر پر متاثرہ علاقوں کیلئے روانہ کیاجارہا ہے ۔ چوتھے روز بھی کے کے ایف کے صدر دفتر کے مرکزی امدادی کیمپ سے غذائی اجناس اور غذائی اجناس پر مشتمل ٹرک زلزلہ سے متاثرہ علاقوں کیلئے روانہ کئے گئے جنہیں ایم کیوایم کی رابطہ کمٹی کے ارکان اور خدمت خلق فاؤنڈیشن کے رضاکاروں نے اپنی نگرانی میں روانہ کیا ۔ 
امدادی کیمپوں کے چوتھے روز ایم کیوایم کی رابطہ کمیٹی کے ارکان محمد حسین اور اسلم آفریدی نے ڈسٹرکٹ ایسٹ ، رابطہ کمیٹی کے رکن عارف خان ایڈووکیٹ اور ارشد حسن نے کورنگی ڈسٹرکٹ جبکہ رابطہ کمیٹی کے رکن عبد الحسیب نے ڈسٹرکٹ ویسٹ میں لگائے گئے امدادی کیمپوں کا دورہ کیا اور عوام سے زلزلہ متاثرین کیلئے امدادی سامان اورعطیات وصول کئے اور ان کا شکریہ ادا کیا۔ رابطہ کمیٹی کے ارکان نے زلزلہ متاثرین کیلئے عوام کے مثالی جذبے کو سراہایااور انہیں خراج تحسین پیش کیا ۔ اس موقع پر ایم کیوایم سینٹرل ایگزیکٹو کونسل کے اراکین اور حق پرست اراکین قومی وصوبائی اسمبلی بھی ان کے ہمراہ تھے ۔ زلزلہ متاثرین کیلئے ملک بھر میں لگائے گئے کے کے ایف کے امدادی کیمپوں پر مخیر حضرات اور عوام امدادی سامان جمع کراتے وقت اپنے جذبات کااظہار کرتے ہوئے کہا کہ خدمت خلق فاؤنڈیشن کی جانب سے زلزلہ متاثرین کیلئے ملک بھر میں امدادی کیمپوں کا قیام اور متاثرین کیلئے امدادی سامان روانہ کرنا دکھی انسانیت کی بڑی خدمت ہے اور اس خدمت میں ہم خدمت خلق فاؤنڈیشن کے شانہ بشانہ ہیں ۔ ان کا کہنا تھا کہ ہم زلزلہ متاثرین کی براہِ راست امداد نہیں کرسکتے اور ہمیشہ ملک میں آنے والے زلزہ ، طوفان ، قحط سالی اور قدرت آفات میں خدمت خلق فاؤنڈیشن سے ہی تعاون کرتے ہیں اور اس کے ذریعے اپنے زلزلہ سے متاثرہ ہم وطنوں کی مدد کرتے ہیں ۔ انہوں نے کہاکہ خدمت خلق فاؤنڈیشن کے امدادی کیمپوں پر جمع ہونے والا امدادی سامان زلزلہ متاثرین تک پہنچے گا تو ہمیں دلی سکون میسر آئے گا اور ہم دعا گو ہیں کہ اللہ تعالیٰ زلزلہ متاثرین کی امداد و بحالی کام میں غیب سے مددفرمائے اور انہیں اس مشکل حالات سے نکالنے کیلئے ہماری جانب سے دیئے جانے والے عطیات کو قبول و مقبول فرمائے ۔ 














تصاویر

12/7/2016 10:18:32 AM