ایم کیو ایم لاپتہ افراد کمیٹی کے زیر اہتمام ایم کیو ایم کے جبری گمشدہ کئے گئے کارکنان اورہمدردوں کے اہل خانہ کی جانب سے کراچی پریس کلب کے باہر احتجاجی مظاہرہ

کراچی ۔۔۔۔30اگست2015

متحدہ قومی موومنٹ کی لاپتہ افراد کمیٹی کے زیر اہتمام ایم کیو ایم کے جبری گمشدہ کئے گئے کارکنان اورہمدردوں کے اہل خانہ کی جانب سے کراچی پریس کلب کے باہر احتجاجی مظاہرہ بھی کیا گیا ، مظاہرے میں مارچ 2013 سے اگست 2015تک گرفتار کرنے کے بعد لاپتہ کئے جانے والے ایم کیوایم کے کارکنان و ہمدردوں کے اہل خانہ نے بہت بڑی تعداد میں شرکت کی اور اس ظلم کے خلاف اپنا احتجاج ریکارڈ کرایا، اس موقع پر مظاہرے کے شریک افراد جن میں بزرگ خواتین اور بچوں کی بڑی تعداد موجود تھی جس نے ہاتھوں میں احتجاجی بینرز اور جبری طور پر گمشدہ کئے گئے اپنے پیاروں کی تصاویر اٹھا رکھی تھیں ۔ احتجاجی بینرز اور تصاویر پر لاپتہ افراد کے اہل خانہ کی جانب سے جبری طور پر گمشدہ کئے گئے افراد کی رہائی کے لئے نعرے درج تھے۔مظاہرے کے شرکاء اپنے پیاروں کی جلد بازیابی کے لئے نعرے لگاتے رہے ۔ مظاہرے کے شرکا ء کا کہنا تھا کہ اگر انکے گرفتار افراد کسی قسم کے جرائم میں ملوث ہیں تو ان کو عدالت میں پیش کیا جائے اور اگر بے گناہ ہیں توان کو فی الفور رہا کیا جائے ۔







تصاویر