Altaf Hussain  English News  Urdu News  Sindhi News  Photo Gallery
International Media Inquiries
+44 20 3371 1290
+1 909 273 6068
[email protected]
 
 Events  Blogs  Fikri Nishist  Study Circle  Songs  Videos Gallery
 Manifesto 2013  Philosophy  Poetry  Online Units  Media Corner  RAIDS/ARRESTS
 About MQM  Social Media  Pakistan Maps  Education  Links  Poll
 Web TV  Feedback  KKF  Contact Us        

لانڈھی نمبر 2میں واقع لانڈھی میڈیکل کمپلیکس میں خدمت خلق فاؤنڈیشن کے زیرانتظام فارمیسی کا افتتاح کردیا گیا


لانڈھی نمبر 2میں واقع لانڈھی میڈیکل کمپلیکس میں خدمت خلق فاؤنڈیشن کے زیرانتظام فارمیسی کا افتتاح کردیا گیا
 Posted on: 6/9/2015 1
لانڈھی نمبر 2میں واقع لانڈھی میڈیکل کمپلیکس میں خدمت خلق فاؤنڈیشن کے زیرانتظام فارمیسی کا افتتاح کردیا گیا 
انسانیت کی خدمت کے جذبے سے عاری ہر عمل ایسا ہے جیسے روح کے بغیر جسم ، رکن رابطہ کمیٹی کنور نوید جمیل 
ملک کی سیاست میں انسانی خدمت کے عمل کو جناب الطاف حسین نے متعارف کرایا ،چیف ٹرسٹی کے کے ایف ڈاکٹر نصرت شوکت
خدمت خلق فاؤنڈیشن کا فلاحی ادارہ اپنے قیام کے دن سے ہی غریب ومتوسط طبقے کی بلاتفریق عملی خدمت کررہا ہے، رکن سی ای سی امین الحق 
فارمیسی کا افتتاح خدمت خلق فاؤنڈیشن کی فلاحی سرگرمیوں میں وسعت کا ایک اورثبوت ہے ، رکن سی ای سی ڈاکٹر صغیراحمد 
کے کے ایف اور اس کے رضاکاروں نے دکھی انسانیت کی خدمت کو اپنا شعار بنا رکھا ہے ، حق پرست ارکان سندھ اسمبلی 
لانڈھی میڈیکل کمپلیکس میں کے کے ایف کے زیر انتظام فارمیسی کی افتتاحی تقریب سے خطاب 
فارمیسی سے مریضوں کو مارکیٹ سے 15سے 20فیصد رعایت پر ادویات فراہم کی جائیں گی 
کراچی ۔۔۔9، جون 2015ء 
لانڈھی نمبر 2میں واقع لانڈھی میڈیکل کمپلیکس نزد بابر مارکیٹ میں خدمت خلق فاؤنڈیشن کے زیر انتظام منگل کے روز فارمیسی کا افتتاح کردیا گیا ۔ فارمیسی سے مریضوں کو مارکیٹ سے 15سے 20فیصد رعایتی نرخ پر ادویات فراہم کی جائیں گی جبکہ معذور اور مستحق مریضوں کیلئے مفت ادویات بھی مختص کی گئی ہیں ۔فارمیسی کا افتتاح ایم کیوایم کی رابطہ کمیٹی کے رکن و چیف ٹرسٹی ڈاکٹر نصرت شوکت اور رابطہ کمیٹی کے رکن کنو رنوید جمیل نے کیا ۔ اس سلسلے میں لانڈھی میڈیکل کمپلیکس میں افتتاحی تقریب منعقد ہوئی جس میں ایم کیوایم کی سینٹرل ایگزیکٹو کونسل کے ارکان سید امین الحق ، ڈاکٹر صغیر احمد ، حق پرست ارکان سندھ اسمبلی خالد افتخار ، ارشد وہرا ، نشا ط ضیاء قادری ، لانڈھی میڈیکل کمپلیکس کے ایم ایس ڈاکٹر ریاض ، علاقے کے نوجوانوں ، بزرگوں ، خواتین اور طبی عملے نے کثیر تعداد میں شرکت کی ۔ فارمیسی کی افتتاحی تقریب سے خطاب کرتے ہوئے رابطہ کمیٹی کے رکن کنو رنوید جمیل نے کہا کہ انسانیت کی خدمت کے جذبے سے عاری ہر عمل ایسا ہے جیسے روح کے بغیر جسم نامکمل ہوتا ہے۔ انہوں نے کہاکہ قائد تحریک جناب الطاف حسین نے سیاست سے قبل خدمت خلق کمیٹی کے نام سے انسانی خدمت کا آغاز کیا تھا اوریہ انسانی خدمت کا عمل خلوص نیت اور دکھی انسانیت کی بے لوث خدمت کے جذبے کے تحت جاری رکھا گیا جس کے باعث خدمت خلق کمیٹی جو محدود پیمانے پر کام کررہی تھی اسے بعد میں خدمت خلق فاؤنڈیشن میں تبدیل کردیا گیا اور اب ان کی شاخیں کراچی ، اندرون سندھ سمیت ملک کے بیشترعلاقوں میں غریب ومتوسط طبقے کو سستے علاج و معالجہ کی سہولیات ، مفت ایمبولینس اور میت بس سروسز فراہم کررہی ہیں ۔ انہوں نے کہاکہ خدمت خلق فاؤنڈیشن کے تحت نذیر حسین یونیورسٹی اور سن اکیڈمی اسکول کے ذریعے معیاری اور بین الاقوامی طرز کی تعلیم نوجوانوں اور بچوں کو دی جارہی ہے اور انشاء اللہ خدمت خلق فاؤنڈیشن کے تحت چلنے والے تعلیمی اداروں سے فارغ التحصیل ہونے والے طلبہ و طالبات دنیا بھر میں ملک کا نام روشن کریں گے ۔ انہوں نے کہاکہ لانڈھی میڈیکل کمپلیکس میں کے کے ایف فارمیسی میں مارکیٹ سے 15سے 20فیصد کم میں ادویات فراہم کی جائیں گی جبکہ معذور افراد اور مستحق افراد کو یہاں سے مفت ادویات کی فراہمی بھی ہوگی ۔ کے کے ایف کے چیف ٹرسٹی اور رکن رابطہ کمیٹی ڈاکٹر نصرت نے کہاکہ ملک کی سیاست میں انسانی خدمت کے عمل کو قائد تحریک جناب الطاف حسین نے متعارف کرایا ہے جبکہ نام دیگر نہاد سیاسی مذہبی جماعتیں سیاست برائے سیاست کے فلسفے پر عمل پیرا تھی اور انسانیت کی خدمت کے عمل سے غافل رہیں ۔ انہوں نے مزید کہاکہ لانڈھی میڈیکل کمپلیکس میں کے کے ایف کے تحت فارمیسی کا افتتاح لانڈھی کے عوام کیلئے قائد تحریک جناب الطاف حسین کا تحفہ ہے ۔ ایم کیوایم کی سینٹرل ایگزیکٹو کونسل کے رکن سید امین الحق نے کہا کہ خدمت خلق فاؤنڈیشن کا فلاحی ادارہ شروع دن سے ہی غریب ومتوسط طبقے کی بلاتفریق عملی خدمت کررہا ہے، اس ادارے کے تحت غریب و متوسط طبقے کی امداد کا سلسلہ سال بھر جاری رہتا ہے جبکہ رمضان المبارک کے مقدس مہینے میں خدمت خلق فاؤنڈیشن کے زیر اہتمام مستحقین کیلئے بڑا امدادی پروگرام بھی منعقد کیا جاتا ہے جس میں کروڑوں روپے مالیت کا امدادی سامان اور نقد رقوم مستحقین میں تقسیم کی جاتی ہیں ۔ ایم کیوایم کی سینٹرل ایگزیکٹو کونسل کے رکن ڈاکٹر صغیر احمد نے کہا کہ شہر کراچی سے جناب الطا ف حسین نے دکھی انسانیت کی خدمت کے عمل کو شروع کیا جو بعد میں وسیع سے وسیع تر ہوتا گیااور آج لانڈھی میڈیکل کمپلیکس میں فارمیسی کا افتتاح خدمت خلق فاؤنڈیشن کی فلاحی سرگرمیوں میں وسعت کا ایک اورثبوت ہے ۔ افتتاحی تقریب سے خطاب کرتے ہوئے لانڈھی میڈیکل کمپلیکس کے ایم ایس ڈاکٹر ریاض اور کے ایم ڈی کے پرنسپل ڈاکٹر وقار کاظمی نے بھی خطاب کیا حق پرست ارکان سندھ اسمبلی خالد افتخار ، ارشد وہرا اور نشاط ضیاء قادری نے کہا کہ جناب الطاف حسین کا فکر وفلسفہ اورنظریہ دکھی انسانیت کی خدمت کا درس دیتا ہے ، حق پرست ارکان اسمبلی نے بھی اپنے ترقیاتی فنڈز سے جناب الطاف حسین کی ہدایت پر کئی فلاحی ادارے قائم کئے ہیں جو لوگوں کو علاج و معالجہ کی سستی فراہم کررہے ہیں ۔ انہوں نے کہا کہ خدمت خلق فاؤنڈیشن کے رضاکار وں نے ملک میں قحط سالی ، آزاد کشمیر کے زلزلے ، دیگرحادثات اور آفات کے علاوہ ایران کے شہر بام میں بھی اپنی امدادی سرگرمیاں انجام دی ہیں اور اس ادارے اور اس کے رضاکار وں جناب الطاف حسین کے درس کے مطابق زیادہ سے زیادہ دکھی انسانیت کی خدمت کو شعار بنا رکھا ہے ۔ افتتاحی تقریب سے لانڈھی میڈیکل کیمپلیکس کے ایم ایس پروفیسر ڈاکٹر وقار کاظمی نے بھی خطاب کیا۔
English 




9/27/2016 12:18:32 AM