کراچی سمیت سندھ بھر میں پانی کے مصنوعی بحران کے خلاف متحدہ قومی موومنٹ نے احتجاجی مظاہروں کا آغاز کردیا

کراچی ۔۔۔(اسٹاف رپورٹر)

صوبہ سندھ بالخصوص کراچی میں پانی کے مصنوعی بحران کے خلاف متحد ہ قومی موومنٹ کے زیر اہتمام کراچی سمیت سندھ بھر میں احتجاجی مظاہروں کاآغاز کر دیا گیاہے۔ایم کیوا یم کے زیر اہتمام اس سلسلے کا پہلا مظاہر ہ جمعہ کی شام نا رتھ کراچی پاور ہاؤس چورنگی پر بڑا احتجاجی مظاہرہ منعقد کیا گیا جس میں ایم کیوا یم کی رابطہ کمیٹی کے انچارج کہف الوریٰ، اراکین ڈاکٹر خالد مقبول صدیقی، قمر منصور،عبد الحسیب،عظیم فاروقی، عارف خان ایڈوکیٹ ، حق پرست رکن قومی اسمبلی عبد الوسیم، شیخ صلاح الدین ، سندھ اسمبلی میں حق پرست اپوزیشن لیڈر خواجہ اظہار الحسن ، حق پرست اراکین صوبائی جمال احمد، وسیم قریشی، تنظیمی شعبہ جا ت کے ذمہ داران ، سیکٹرز و یونٹس کے کارکنان سمیت نارتھ کراچی ، سرجانی ، نیو کراچی سمیت قرب و جوار کے علاقوں کی خواتین ، بزرگوں ، بچوں ، بچیوں ، نوجوانوں نے ہزاروں کی تعداد میں شرکت کر کے پانی کی مصنوعی بندش کے خلاف اپنااحتجاج ریکارڈ کروایا۔اس سلسلے کا دوسرا احتجاجی مظاہرہ 23مئی کی شام 5بجے کراچی پریس کلب پر منعقد کیاجائے گا جس میں پانی کے بحران سے متاثرہ شہر کے مختلف علاقوں کے عوام شرکت کریں گے۔