ملک میں لوٹ کھسوٹ اور ظلم و جبر کے نظام کو بدلنے نکلا ہوں، الطاف حسین
ایم کیوایم جاگیر دارانہ وڈیرانہ نظام کے خلاف ہے
ملک کے سارے عوام خراب نہیں ہوتے، 98 فیصد عوام محنتی، ایماندار ہیں جبکہ 2 فیصد ڈاکو اور لٹیرے ہیں
اس بات کو قطعی برداشت نہیں کیا جاسکتا کہ تحریک کا کوئی بھی ذمہ دار کارکنوں کے ساتھ وڈیروں جیسا سلوک کرے
کارکنان تحریک کی ریڑھ کی ہڈی ہیں اور ایم کیوایم میں کارکنوں سے بڑھکر کوئی چیز نہیں
کارکنان اپنی صفوں میں اتحاد برقرار رکھیں اور ثابت قدمی کے ساتھ تحریکی کام کو جاری رکھیں، الطاف حسین
پنجاب ہاؤس لاہور میں ایم کیو ایم سینٹرل پنجاب کے ذمہ داران، نامزد امیدواروں اور کارکنوں سے گفتگو
لاہور ۔۔3اپریل 2013ء
متحدہ قومی موومنٹ کے قائد جناب الطاف حسین نے کہا ہے کہ ملک کے سارے عوام خراب نہیں ہوتے ،98فیصد عوام محنتی ، ایماندار ہیں جبکہ 2فیصد ڈاکو اور لٹیرے ہیں اور میں لوٹ کھسوٹ اور ظلم وجبر کے اسی نظام کو بدلنے نکلاہوں ۔انہوں نے یہ بات پنجاب ہاؤس لاہور میں ایم کیو ایم سینٹرل پنجاب کے ذمہ داران ،نامزد امیدواروں اور لاہور ڈسٹرکٹ کے کارکنوں سے فون پر گفتگو کر تے ہوئے کہی ۔جناب الطاف حسین نے کہاکہ ایم کیوایم جاگیر دارانہ وڈیرانہ نظام کے خلاف ہے اور ایم کیوایم میں اس بات کو قطعی بر داشت نہیں کیا جاسکتا کہ تحریک کا کوئی بھی ذمہ دار کارکنوں کے ساتھ وڈیروں جیسا سلوک کرے ۔ انہوں نے کہا کہ کارکنان تحریک کی ریڑھ کی ہڈ ی ہیں اور ایم کیوایم میں کارکنوں سے بڑھکر کوئی چیز نہیں ۔انہوں نے سینٹرل پنجاب کے ذمہ داروں اور کارکنوں سے کہا کہ اپنی صفوں میں اتحاد برقرار رکھیں اور ثابت قدمی کے ساتھ تحریکی کام کو جاری رکھیں۔