تحریکی جدوجہد میں خواتین کے کردار کو سنہرے الفاظ میں لکھا جائے گا، الطاف حسین کی شعبہ خواتین کی سینٹرل کوآرڈی نیشن کمیٹی کے اراکین سے گفتگو

لندن ۔۔21مارچ 2013ء

متحدہ قومی موومنٹ کے قائد جناب الطاف حسین نے کہا کہ تحریکی جدوجہد میں خواتین کے کر دار کو سنہر ے الفا ظ میں لکھا جائے گا جنہوں نے ماریں کھائیں ،اذیت ،ظلم وتشدد ، جیلوں اور تھانوں کی صعبتو ں کو برداشت کیا ہے لیکن ظلم و جبر کے آگے سر نہیں جھکایا بلکہ ان کے آگے سیسہ پلائی دیوار کی طرح ڈٹی اور جمی رہیں اور جس تحریک میں بہادر ،نڈر ،نہ جھکنے والی خواتین موجود ہوں ایسی حق پرستی کی تحریک کو کسی صورت ختم نہیں کیا جاسکتا ہے ۔ وہ گزشتہ روز خورشید بیگم میموریل ہال عزیز آباد میں ایم کیوایم شعبہ خواتین کی سینٹرل کوآرڈی نیشن کمیٹی کے اراکین سے گفتگو کر رہے تھے ۔جناب الطاف حسین نے ایم کیوایم کے 29ویں یوم تاسیس کے سلسلے میں میر پور خاص میں ہونے والے کامیاب جلسے پر شعبہ خواتین کو مبارکبا د اور خر اج تحسین پیش کرتے ہوئے کہا کہ اس جلسے میں جتنی بڑ ی تعداد میں اقلیتی برداری سے تعلق رکھنے وا لی خواتین نے شرکت کی اس کی مثال نہیں ملتی ۔ انہوں نے کہا کے ایم کیوایم خواتین کو ہر شعبہ میں مساوی حقوق اور معاشرے میں ان کا مقام دلانے کی جدوجہد کررہی ہے ۔ انہوں نے کہا کہ عام انتخابات سر پر ہیں لہٰذا خواتین اس سلسلے میں اپنا بھر پور کر دار ادا کر یں اور گلی گلی ،محلے محلے گھر گھر جاکر ایم کیوایم کا حق پرستی کا پیغام پہنچائیں ۔ جناب الطاف حسین نے شعبہ خواتین کی اراکین پر زور دیتے ہوئے کہا کہ وہ تنظیمی لڑیچر کا مطالعہ کریں اور تنظیمی کام میں مزید بہتری لائیں۔ جناب الطاف حسین نے سانحہ عباس ٹاؤن کے متاثرین کی بھی خریت دریافت کی اور اس سلسلے میں غم اور دکھ کی اس گھڑی میں شہداء کے لوحقین اور زخمیوں کی داد رسی کرنے پر شعبہ خواتین کی ارکان وکارکنان کو شابا ش بھی دی۔ اس موقع پر شعبہ خواتین کی انچار ج کشور زہرہ اور ہندوبرادری سے تعلق رکھنے والی خاتون منگلا شرما ،سابق اراکین سندھ اسمبلی اور اراکین کمیٹی نے بھی جناب الطاف حسین سے گفتگو کی اور تنظیمی کار کر دگی کے بارے میں اور دیگر صورتحا ل کی مکمل تفصیلا ت سے آگاہ کیا ۔