برطانیہ میں متحدہ قومی موومنٹ کی ممبر سازی مہم کا آغاز آج سے کیا جا ئیگا

لندن ۔ 22نومبر2014ء

متحدہ قومی موومنٹ برطانیہ کے تحت رکنیت سازی مہم کا آغاز آج سے برطانیہ کے شہر لندن سے کیا جارہے اس سلسلے میں ایجویر کے سنگم ہال میں دوپہر 2بجے سے شام 5بجے تک رکنیت سازی کی جائے گی ۔ ایم کیو ایم برطانیہ کی آرگنائزنگ کمیٹی نے اپنے بیان میں کہا کہ تما م قومیتوں کو چاہئے کہ وہ قائد تحریک جناب قائد تحریک جناب الطاف حسین کی حقیقت پسندی اور عملیت پسندی کی عملی جدو جہد میں انکا بھر پور ساتھ دیں ۔ ۔ انہوں نے کہا کہ پاکستان میں حقیقی جمہوریت کے قیام ، مذہبی انتہاپسندی،جاگیر دارانہ وڈیر انہ نظام کے خاتمے اور غریب و متوسط طبقے کی حکمرانی کے لئے ہرمحب وطن پاکستانی کو آگے آکر عملی جدوجہد کرنا ہوگی۔ انہوں نے کہا کہ متحدہ قومی موومنٹ ہی پاکستان کی واحد جماعت ہے جس کے پاس وژن بھی ہے، قیادت بھی ہے اور انتہائی منظم آرگنائزیشن بھی ہے جو پاکستان کو تمام مسائل سے نجات دلانے کی بھر پورصلاحیت رکھتی ہے۔ آرگنائزنگ کمیٹی نے مختلف طبقہ فکر سے تعلق رکھنے والے پاکستانیوں خصوصاًنوجوانوں اور خواتین سے اپیل کی ہے کہ وہ رکنیت سازی مہم میں بھر پور حصہ لیں۔