جولوگ آبائی وطن ترک کرکے ہجرت کرجاتے ہیں اوروہیں بس جاتے ہیں انہیں مہاجر کہا جاتا ہےرکن رابطہ کمیٹی /صدر پنجاب میاں عتیق

اسلام آباد۔۔۔۔۔22اکتوبر 2014ء

متحدہ قومی موومنٹ رکن رابطہ کمیٹی /صدر پنجاب میاں عتیق نے کہا کہ لفظ مہاجرکوگالی کہنے اورمہاجروں کیخلاف نازیبا الفاظ استعمال کرنے پر پاکستان پیپلزپارٹی کے رہنماء وقومی اسمبلی میں اپوزیشن لیڈرسیدخورشیدشاہ کے خلاف آئین کے تحت سخت کارروائی کی جائے ۔یہ مطالبہ انہوں نے نیشنل پریس کلب اسلام آباد کے باہر مظاہرے سے خطاب کے دوران کیا۔اس موقع پر رکن رابطہ کمیٹی ،صوبائی تنظیمی کمیٹی (پنجاب) کے انچارج ارشاد ظفیر ،شاہد بشیر، فیصل فجاج ڈار، حق پرست ایم این ایز، اپر پنجاب کے صدر حاجی عتیق عباسی و اراکین کمیٹی، ڈسٹرکٹ صدر راولپنڈی شیخ خضر حیات واراکین کمیٹی، سوشل فورم، خواتین ونگ، ڈسٹرکٹ اسلام آباد کے صدر واراکین کمیٹی اور کارکنان بھی موجود تھے۔میاں عتیق نے کہاکہ سید خورشید شاہ نے لفظ مہاجرکے لئے جس اندازمیں غلط زبان استعمال کی اس سے مہاجرقوم کی دل آزاری ہوئی ہے ۔انہوں نے کہا کہ لفظ مہاجر کاذکرقرآن پاک میں ہے اور آپ ؐ بھی مہاجر ہیں۔انہوں نے کہاکہ قانون جاگیرداروں اور وڈیروں اور بڑے لوگوں کے ہاتھ میں ہے ۔انہوں نے کہا کہ جولوگ اپنے آبائی وطن کو ہمیشہ کیلئے ترک کرکے دوسرے علاقے کی طرف ہجرت کرجاتے ہیں اوروہیں بس جاتے ہیں انہیں مہاجر کہا جاتا ہے ۔