ايم ڪيو ايم ميڊيڪل ايڊ ڪميٽي عباسي شهيد اسپتال يونٽ جي ڪارڪن معين الدين جي قتل تي رابطا ڪميٽي جي طرفان مذمت جو اظهار.
واقعي جي اطلاع ملندي ئي ايم ڪيو ايم رابطا ڪميٽي جا ميمبر ۽ ٻيا عباسي شهيد اسپتال پهچي ويا.
ڪراچي؛23 مئي 2014
متحده قومي موومينٽ جي رابطا ڪميٽي ايم ڪيو ايم ميڊيڪل ايڊ ڪميٽي عباسي شهيد اسپتال يونٽ جي ڪارڪن معين الدين کي اڻ ڄاتل هٿياربندن جي طرفان فائرنگ ڪري قتل ڪرڻ جي واقعي جي سخت ترين لفظن ۾ مذمت ڪئي آهي ۽ ان کي شهر جو امن خراب ڪرڻ جي سازش جو حصو قرار ڏنو آهي . پنهنجي هڪ بيان ۾ رابطا ڪميٽي چيو ته ڪجھ امن دشمن قوتون امن خراب ڪرڻ جي لاءِ هڪ منصوبه بندي جي تحت لڳاتار ايم ڪيو ايم جي ذميوارن ، ڪارڪنن ۽ همدردن کي دهشت گردي جو نشانو بڻائي رهيون آهن ۽ معين الدين جو قتل به انهي سازش جو حصو آهي. جنهن جي جيتري به مذمت ڪئي وڃي اها گهٽ آهي.رابطا ڪميٽي معين الدين جي تمام سوگوار پونئرن سان دلي تعزيت ۽ همدردي جو اظهار ڪندي دعا ڪئي ته الله تعالٰي معين الدين شهيد کي پنهنجي جوار رحمت ۾ اعلٰي مقام عطا فرمائي ۽ سوگوار پونئرن کي اهو صدمو برداشت ڪرڻ جو حوصلو عطا فرمائي. رابطا ڪميٽي گورنر سنڌ ڊاڪٽر عشرت العباد ۽ وزير اعلٰي سنڌ سيد قائم علي شاھ کان مطالبو ڪيو ته معين الدين جي قتل جي واقعي جو نوٽس ورتو وڃي ۽ دهشت گردن کي عبرتناڪ سزا ڏني وڃي. ان کان علاوه واقعي جي اطلاع ملندي ئي رابطا ڪميٽي ميمبر سيد امين الحق ۽ اسلم آفريدي عباسي شهيد اسپتال پهچي ويا ۽ سوگوارن سان ملاقات ڪري انهن کي دلاسو ڏنو ۽ واقعي جون تفصيلات به معلوم ڪيون. ان موقعي تي ايم ڪيو ايم ميڊيڪل ايڊ ڪميٽي جا ذميوار به موجود هئا.
****